菠蘿山-min

解放軍封 菠蘿山 送子彈俾本土派

TVB節目on99走去推介 菠蘿山 當景點,解放軍見到報導果然做嘢,封咗 菠蘿山 ,結果有行山阿伯當眾爆粗鬧爆解放軍,我相信解放軍唔識聽香港粗口,否則我恐怕有更多花生大家食, 菠蘿山 變咗花生山。

菠蘿山 係向長者推廣本土埋念好例子

解放軍一直以嚟,都只係識用拳腳對付平民,唔識乜叫心戰,心戰叫heart and mind,我們研究英國對付馬共歷史果陣好清楚,因為英國人喺遠東對中共三仗全勝(馬來西亞、新加坡、香港),都係靠打心戰。喺英國管治年代,青山靶場無錯係操炮區,只不過,英國人亦容許大家去行 菠蘿山 ,甚至以往英軍軍事用地,係頗為融入社區,至少正義道軍營,喺英國管治果陣,超級市場我都入過去買嘢,出入來去自如,雖然有被中共破壞嘅風險,但英軍好清楚,爭取人心更加重要,所以 菠蘿山 英軍唔會咁樣同行山客咁玩嘅。解放軍唔識心戰,一味就係共產黨果套,一切軍事有關嘅嘢,除咗用嚟俾五毛打飛機,都係軍事機密,所以咪炒粉囉。

其實親英派將蘋果呢張相,轉成一張長者圖,係好有心戰效果,正所謂一張長者圖,勝過千言萬語,有時長者圖,唔係用嚟玩膠,而係真係落手要做,攞嚟向老一輩打心戰用

菠蘿山-長者圖-min
菠蘿山-長者圖-min

跟住話,解放軍仲衰過鬼佬,英軍都俾市民行 菠蘿山 ,但解放軍唔俾,你中共仲好意思講乜撚嘢香港人當家作主,食屎喇。對好多老人家,講其他嘢,好似奶粉,樓價,佢地唔會明,但唔俾佢地行山喎,佢地一定明,對老人家嚟講,行山可以講係佢地嘅核心活動嚟,依家核心活動都唔俾去,你話係唔係罪大惡極。喺呢件事上,除咗我,無太多本土派喺呢個議題著墨,我個人都係幾失望,雖然喺操炮區行山,本身係有一定危險性,因為地下嘅殘餘彈藥確係會造成安全疑慮,但清理安全疑慮,某程度上都係解放軍自己嘅責任嚟。

都係果句, 菠蘿山 係香港人嘅,解放軍最好將青山靶場嘅郊外美景還番俾香港,解放軍練靶,中國大把地方,依家香港所謂嘅駐軍用軍事用地,除咗用嚟殖民香港人,鎮壓香港人,無其他目的,呢次東張西望無厘頭揭破解放軍真面目。

發表迴響

你的電子郵件位址並不會被公開。 必要欄位標記為 *