周浩鼎-太監-min

周浩鼎 皇帝唔急太監急

次次講起 周浩鼎 ,大家都會用 鼎! 嚟講佢,因為 周浩鼎 好多時皇帝未急過,太監走去急,仲要好撚急嘅行為,你真係火都嚟,感到自己嘅肺部被 鼎! 住。喺公民廣場開放問題上, 周浩鼎 明顯就係做緊一個太監嘅角色,仲要好核突果隻。

周浩鼎 當自己唔知公民廣場理念,唔知佔領運動原因㗎?

我喺公民廣場搞過活動,好和平果隻,我完全睇唔到點解公民廣場有乜保安風險,公民廣場係政府控制場地,唔係點都好過政總咩,就算封埋公民廣場對出一段馬路都好。相反,2014年9月之所以爆發佔領運動,因為梁振英條死變態佬封鎖公民廣場,黃之鋒條氣鼎(頂)唔住,跟住黃之鋒走去做賭撚衝入公民廣場,佢賭贏咗條撚,仲要被人拉埋,跟住引發公憤,然後就引發全民賭撚運動,所以戴耀廷教授提出嘅佔領中環運動至無嗱嗱爆發。如果認真講保安風險,如果當時梁振英俾班友繼續用公民廣場,邊個石頭爆出嚟佔領運動?有啲嘢係梁振英自己攞嚟,你 周浩鼎 仲話有乜撚保安風險,不如話梁振英同張曉明見到公民廣場好似天安門廣場咁嘅畫面會心臟病發?

依家嘅政府總部,係林鄭月娥做發展局局長果陣搞出嚟,又係嚴迅奇「大師」嘅手筆,林鄭月娥其實佢好清楚點解政府總部叫門常開,同埋點解會有公民廣場呢舊嘢,公民廣場嘅出現,其實係回應咗由董建華封鎖中區政府合署中座前地,至政總起完之後,喺下亞厘畢道發生過嘅大大小小嘅衝突,而公民廣場雖然有反國教運動、撐DBC運動以及爭取HKTV發牌運動出現過,但次次都好和平,而且實際上,亦唔阻礙夏愨道嘅交通,更加講唔上阻止啲公務員返工。我知公民廣場果個入口,後面其實係一堆會議室嚟,果啲會議室,我都去過開會嘅,唔係乜嘢大官會喺果度開會,依家封咗公民廣場,我只係知道好多喺政總返工嘅公務員,包括高級公務員,都日日問候梁振英娘親,因為佢地出入政總搞到極度麻煩,特別要出去買嘢果陣更煩,政總本身都係一個食物地獄嚟,依家變咗同對面嘅中信大廈,這麼近,那麼遠,然後多麼多麼感到好 鼎! 住度氣。

連林鄭月娥自己都考慮緊,好心你個 周浩鼎 就叫嗲,否則睇嚟全港人都會公民廣場開唔番入佢條撚樣數。

發表迴響

你的電子郵件位址並不會被公開。 必要欄位標記為 *