JT-沙龍-min

JT 沙龍 :影子政府?

曾俊華、曾鈺成同田北俊嘅3 JT 聯盟,似乎越嚟越大機會,變成一個影子政府。游清源講到,呢個係五星級特首辦,又話會搞沙龍,請唔同嘅人馬腦力激盪一番,3 JT 聯盟,似乎會有一番作為。

JT 沙龍係影子政府

政治嘅嘢,每一個用字都用佢嘅意思,沙龍係令到件事好grand,雖然法國佬搞搞吓沙龍,最後搞出大革命出嚟,仲要隊冧咗路易十六嘅波旁王朝,所以法國大革命後嘅政府,就禁晒啲沙龍,取而代之係coffee shop吹水。但我真係留意到,其實係五星級特首辦,喺林鄭月娥人腳嘅殘破程度,去到廢墟嘅級數果陣,五星級特首辦六個字,更加顯出呢個3 JT 聯盟,好可能會大有作為。

首先,喺今年3月果陣大戰支持曾俊華嘅人,都係政治立場或行事方式相對講策略嘅人,策略人係有底線,只有好似左膠、土共、熱普城呢啲無戰略視野嘅友仔,至會亂咁開炮,講嘢講到絕晒,而一啲餘地都唔保留,戰略人成日講要有「對話」空間。所以唔同政治光譜嘅人,可以喺同一枝旗下並肩而戰,因為大家有同一樣嘅戰略目標,而戰略目標,一定係第一優先。

另一方面,曾俊華可以團結呢班乜撚都有嘅人,因為依家香港政治太硬膠,一個善治統合咗左右統獨四方唔同人馬作戰。當林鄭月娥政府喺中聯辦指揮下,好明顯持續硬膠嘅情況下,呢枝旗會繼續有佢嘅作用,所以呢個影子政府會構成實質威脅。由資深公務員、政客、傳媒人,甚至熟悉公共政策嘅人,共同喺一枝旗下,為一個中道嘅政治而戰,通常喺一啲政局極膠嘅情況下至會發生,例如1941年德軍攻陷法國全境情況下,由右派到法共,都團結喺戴高樂將軍指揮下嘅自由法國政府一樣。依家喺一個極膠嘅年代,非常時期就有非常做法,而左膠、熱普城、土共繼續咁打落去,歷史只會證明我剛才講果三班友,其實只係一班心無香港,自以為是,騎劫香港去一個滅亡方向嘅自私精。曾俊華同佢啲支持者有呢股意志,繼續打落去,呢個係我意料之外。

後話:照法國歷史嚟講,沙龍主人應該係女人做,問題係,邊個應該係3 JT 聯盟嘅沙龍嘅主人?

發表迴響

你的電子郵件位址並不會被公開。 必要欄位標記為 *