法國總統大選-2-min

法國總統大選 投票方式值得香港學習

好多人都唔信,香港係 法國總統大選 以及國民議會選舉嘅戰場,但由法國駐港總領事館facebook page嘅照片睇,法國國際學校票站墟冚程度,勁過區議會選舉太古城票站,可以一拼已經係印尼總統大選維園票站(因為印尼總統大選唔只印傭投,仲有攞番印尼國籍嘅華人),領事館話香港票站登記選民係8194人,你話投票率高嘅話,係咪勁過香港普通一個選舉。呢個未計部分居港法國國民,選擇返國投票果批。

但真係令我留意到,係 法國總統大選 投票方法,值得香港杜絕掌心雷果陣學習。

法國佬如何杜絕掌心雷

根據膠事錄對法國總統大選香港票站嘅報導,個玩法係咁,你攞選票唔係一張紙,而係一個白信封,另外一堆印有各候選人人名嘅紙,選民係將印有候選人人名嘅紙放入信封,例如你揀陳大文、甘小文,寫將印住陳大文,同甘小文嘅紙放入信封,然後封住信封入票箱,咁大功告成。當然,你放啲紙仔入信封嘅地方,都係一格格封住,費時俾人睇到你嘅投票意向。

呢個方法,果然有創意,果然法國係歐洲嘅高登,面對太多膠嘢,膠到連杜絕硬膠嘅投票方法都諗到出嚟,果然係法國佬。日本要人寫晒候選人全名嘅玩法,無錯,係杜絕掌心雷,但本身係書道法西斯行為,醫生呢類寫字潦草嘅人,真係隨時張飛被DQ,香港仲要有人用英文,咁寫英文串法衰,又駛唔駛DQ,Q票Q到傻都似,但法國就無乜Q票要做,你要投白票,easy喇,乜都唔做,行入票格封住個信封,再走番出嚟投入去,搞掂,當然,你攞原子筆,喺信封裡面大大字寫住個屌或fxxk字,我都阻止唔到你嘅。因為啲阿婆認字能力差,掌心雷發揮唔到作用,如果有人膠到投咗張掌心雷入去,就仲衰,屆時X建聯啲hihi就真係跳海深圳河都水洗唔清嘞。

當然,之前推薦過,點票點到佛誕嘅單一可轉移票,都可以用嘅,但唔啱區議會選舉用,而法國佬呢個做法,解決埋區議會選舉剩餘嘅掌心雷問題,如果政府死都唔肯用嘅話,呢個仆街政府有幾偏幫土共,縱容掌心雷出現呢樣嘢,都幾昭然若揭喇。

發表迴響

你的電子郵件位址並不會被公開。 必要欄位標記為 *