北韓-石油-min

北韓 發油惡實會打仗

北韓 最近據報燃油短缺,應該係中國唔肯出口石油俾 北韓 ,所以平壤依家汽車都限油,中國希望咁樣迫金正恩妥協,至少停止核試先,同特朗普政府合作。

北韓 發油惡實做賭撚

我唔知中國班友有無讀過戰史,但如果有嘅話,應該知道燃油禁運等同宣戰, 北韓 好大機會做賭撚貿然宣戰,甚至亂射核彈孤注一擲。如果中國無作戰準備就走去玩燃油禁運嘅話,我留名睇中國東北膠到無朋友。大家重溫一吓日本偷襲珍珠港嘅玩法,就知道 北韓 發油惡 實會做賭撚,依家嘅情況,其實係比以往嘅情況都要危險,喺軍事史嘅角度睇。

山本五十六係一條賭撚,大家都唔會否認,當然,山本五十六比全日本任何陸軍將領都知道,偷襲珍珠港係賭,如果賭贏咗,就只能盡量用半年嘅opportunity window擴大戰果,否則都係會仆街。點解明知咁都要賭,因為當時日本同中華民國打緊膠著戰,中國太大,想吞晒落肚呢個諗法根本係傻的嗎(都係受西方戰略理論訓練嘅石原莞爾一早提醒咗班友咪硬膠,東條英機班仆街唔聽),日本已經係燃油不足嘅問題,當時美、英、荷都已經對日本燃油禁運,目的係要日本將吞咗嘅中華民國領土嘔番出嚟,日本梗係睬班友都傻,仲要當時日本控制埋由法國擁有嘅法屬印度支那。而山本五十六知道,遲又死,早又死,不如賭一鋪,如果有一個opportunity window可以打到去美國西岸,就有機會求和,確保自己吞咗嘅嘢消化得落肚。所以1941年12月7日,日本主動挑美國機,當然呢種打法,根本連希特拉都攞埋去賭,美國可以名正言順參戰,跟住兩年唔夠,德國同日本都仆晒街。所以我唔明點解山本五十六死果陣,希特拉仲要頒寶劍橡葉騎士鐵十字勳章俾佢(日本軍人唯一攞過鐵十字係山本五十六),無山本五十六做賭撚,德國未必死得咁快。

依家金正恩嘅戰略處境,其實係似山本五十六,而由金正恩夠薑喺大馬落手對付金正男嚟睇,呢條友都係一條賭撚嚟。做戰略嘅人,一定要認清敵人係唔係一條賭撚,對住賭撚,同對住唔係賭撚嘅戰略方針係完全唔同。依家金正恩係一條賭撚,如果佢無預警向中國、日本、南韓是但一國射導彈,仲要有核彈頭,我唔意外,隨時第一個核彈就落喺中國東北,以免解放軍冒險南進。朝鮮半島版嘅珍珠港事件,唔係唔會發生。

One thought on “北韓 發油惡實會打仗

  1. 咁你睇金三世連姑丈都殺埋就知兩邊一早都反晒面架啦。中國一早冇晒制衡北韓既方法,搞到成日畀美國佬抽水話你「管唔好自己條靚」,於是人地擺部THAAD黎探境你都得個嘈字。咁就唯有冒險都要搞掂北韓啦,就算金三世唔射核彈,佢依家已經一早令北京既「國家安全」削弱緊,咁唔通畀你繼續玩我咩。

發表迴響

你的電子郵件位址並不會被公開。 必要欄位標記為 *