Three UK-min

Three UK 流動電話網絡出事,全英問候李嘉誠

相信唔少香港人,基於漫遊費用等因素,喺英國都係用 Three UK ,特別喺香港都用緊 Three (和記) 嘅人,如果數據漫遊等等會平好多。呢劑就堅出事, Three UK 網絡出事,全英喺我落筆果陣,停咗五個鐘,依家仲未搞掂,全英問候緊李嘉誠。當唔少人唔再保留固網電話,可能連上網都係用你 Three UK LTE網絡果陣,真係唔全民問候李嘉誠就出奇。

Three UK 同 HK 一樣鑊氣重

其實對於熟悉香港電訊業可靠度嘅人,避開 Three Hong Kong 根本係常識嚟,由以往和記電訊搞GSM網開始,和記電訊個GSM網邊日唔鑊氣重,以往喺中文大學,由於比較平,同埋和記電訊喺逸夫覆蓋比較好,所以讀大學期間用過吓,但之後都只係 C&WHKT 同數碼通兩間跳嚟跳去,試過貪平用Sunday,跟住係PCCW Mobile,一直去到近年主要用番Smartone,因為中國果啲電訊公司,你唔敢用,而 Three Hong Kong 就係信唔過,所以唔敢用。啲人話 Three UK 好過 Three Hong Kong ,我一直半信半疑。依家呢隻香港式全地域大炒粉,竟然喺英國重演一次,仲要又係搞到唔知幾時至恢復正常,就證明我避開和記嘅電訊網絡決定無錯,因為和記啲嘢,真係鑊氣太重。

其實 Three UK 又好, Three Hong Kong 都好,裡面嘅 quality control 係奇怪地做得唔好,同樣係李氏天下,但睇番李澤楷管理下嘅 PCCW ,喺全世界各地嚴重嘅炒粉事件其實唔多,兩父子一啲管理作風上嘅分歧,其實亦決定咗點解同樣係李家,甚至 CSL 同 和記有部分 LTE 頻譜係合資競投,並且共組公司,但點解 PCCW 係無事,而 Three Hong Kong 都會有鑊氣,所以同樣係李家,但管理作風係唔同,就係唔同。

只不過,如果你人喺英國,都係用番 Vodafone 或者由 BT旗下嘅EE算,用西班牙 Telefonia 旗下嘅 O2都還好,話雖 Three UK 係香港公司,只不過,和記搞電訊嘅鑊氣傳統,真係唔到你唔怕怕㗎。

2 thoughts on “Three UK 流動電話網絡出事,全英問候李嘉誠

發表迴響

你的電子郵件位址並不會被公開。 必要欄位標記為 *