劉迺強-min

劉迺強 真老實

劉迺強 雖然係一條仆街嘅五毛,只不過,有時 劉迺強 真係老實得好可能。食咗誠實豆沙包後,零舍誠實,乜嘢中共陰謀陽謀都講晒出嚟,如果大家攞住 劉迺強 嘅錄音交俾廉政公署,我真係留名食花生,想知道廉政公署會唔會請 劉迺強 飲番杯馳名嘅廉記咖啡醒醒神咁。

劉迺強 未選過唔記得咗選舉經費問題

劉迺強在北大紀念香港回歸研討會上說,如果明天沒有中聯辦,特首和特區政府什麼事情也做不到,又指候任行政長官林鄭月娥,若沒有中聯辦拉票,從何得來777票,但中聯辦此舉並非干預香港事務,只是清楚表達中央態度,中央也公開說政治局一致支持林鄭月娥。

呢節係香港電台嘅報導,我唔講《基本法》第22條呢啲咁深入嘅問題,我只係講香港法律,依家 劉迺強 食完誠實豆沙包後講嘅嘢,有幾個問題:

  1. 劉迺強 唔係我呢啲草民9upper,佢係基本法委員會委員,講嘢好撚有公信力,至少佢個公職,令佢講嘢好撚有公信力。
  2. 劉迺強 證實咗,中聯辦係有份拉票嘅,而拉票行為,一定係選舉開支。
  3. 如果林鄭月娥未批准中聯辦班撚樣拉票,即係未經候選人及其代理人同意招致選舉開支,呢條係刑事罪行嚟,換言之,依家 劉迺強 喺北京公開證實並舉發,香港中聯辦啲官員,有份違反香港法律,根據《基本法》22條,中聯辦都要守番香港法律,並無任何絕對豁免權。

大家記住,呢啲嘢唔係我呢啲反對中國嘅人講出嚟,或根據啲蛛絲馬迹推出嚟,而係 劉迺強 以為北京可以好開心,條友攞錯鞋油擦鞋擦出嚟。如果我係唔妥中聯辦嘅人,一定搵番 劉迺強 講嘢嘅原裝錄音或片段,然後成段交俾廉署,要求廉署調查一下,中聯辦有無喺林鄭月娥或其指定代理人批准下,幫林鄭月娥招致選舉開支,如果林鄭月娥無授權呢班大帝招致選舉開支,我諗唔駛中紀委,廉署都夠料送晒呢班粉腸喺赤柱住番三四年至返去中國,而且鄰居都係曾蔭權、許仕仁呢啲猛人,好彩葉繼歡死咗,否則張曉明隔離住著葉繼歡,呢鋪真係唔慌唔樹大招風。

所以我一定要高度讚揚 劉迺強 嘅老實,由中國違反《中英聯合聲明》同《基本法》,到張違明違反刑事法律嘅證據, 劉迺強 一把口搞掂,我只能講一個字:勁!

發表迴響

你的電子郵件位址並不會被公開。 必要欄位標記為 *