GoBee.Bike-min

GoBee.Bike app有問題 但黑社會掟單車都有問題

GoBee.Bike 想喺香港搞共享單車,點知個app處理信用卡資料果度,固然係有問題,但 GoBee.Bike 有三架車被人惡意毀壞,懷疑有黑社會組織意圖收保護費有關,同樣係極度有問題。呢個又反映香港果種由頭爛到落尾嘅問題有幾嚴重。

GoBee.Bike 明顯被黑社會搞

先講 GoBee.Bike 個app,我唔明點解可以唔用 https ,用 https encryption,已經係處理個人資料嘅最基本要求,甚至網站應該全面用 https ,唔單只app,所以信用卡資料咁重要唔用 https ,呢種疏忽絕對係匪夷所思, GoBee.Bike 有責任修補漏洞,至少唔該申請張最基本嘅SSL Certificate先,之後用乜嘢Cert,係後話,但處理得信用卡資料,喺 https 嘅成本上唔慳得。私隱專員公署應該要求,任何喺香港處理個人資料嘅網站,一旦涉及身份證號碼之類,都要用 https ,並至少要係 TLS 1.0,否則公眾會感到好唔安心。

但 GoBee.Bike 咁被人掟車落河,呢個都係要追查,我唔信係單車鋪做,單車鋪有競爭都好,一旦咁做其實無乜著數,依家反而可能係黑社會保護費有關,近年新界啲黑社會,以為有中聯辦同黑警,甚至部分政棍照住,就可以為所欲為,香港喺呢方面,竟然越嚟越似台灣,向國民黨統治年代嘅台灣發展,呢樣嘢係好難令到公眾接受。

如果警察唔徹查呢件事,無人被拉,就算之後無 GoBee.Bike 嘅車被掟入河都好,啲人都相信係同政府包庇啲黑社會有關,咁香港執法人員仲講法治,不如講蛋治算喇,當香港公眾認為黑社會治港果陣,香港治安只會急劇惡化。以往英治年代唔係有某程度上俾黑社會有生存空間嘅情況,只不過,黑社會玩得太放肆,政府會強硬掃蕩,而黑社會相關嘅人,亦唔可以堂而皇之加入政壇,甚至同中聯辦呢啲機構攜手合作。如果真係保護費問題,唯有唔租果啲單車鋪,等果啲俾咗保護費嘅鋪頭無錢俾黑社會任何保護費。

所以點解七賊坐監,有咁多黑社會相關人物出嚟籌款,大家明喇。

發表迴響

你的電子郵件位址並不會被公開。 必要欄位標記為 *