攝位泊車-min

法式硬膠? 攝位泊車 只係小菜一碟

喺鬧爆獨媒篇文都講過,香港其實係一個主要法國人居住嘅社區嚟,所以好多法國式,甚至其他歐洲嚟嘅嘢,由飲食到膠嘢,都會跟住嚟香港,好似 攝位泊車 就係一個例子,呢啲喺巴黎司空見慣嘅嘢,香港有啲老一輩見到完全係適應不良。

攝位泊車 係無得告

攝位泊車 係唔係違例泊車,喺法國應該唔係,但喺香港,呢個絕對係灰色地帶,因為香港嘅咪錶位,無法例寫明要一位一車,如果兩位司機夾錢泊車,你點吹得佢漲,呢啲就係玩膠,玩法律邊緣地帶玩到盡,呢個就係歐陸玩膠嘅特色。如果我係差人,都只能話無得告,除非入咪錶果條友出嚟證明,果架「Smart」係「偷」咗佢租用嘅車位,咁或者可以告違例泊車嘅,但法庭理唔理,或者係唔係只係當兩位司機嘅民事糾紛,亦根本講唔清楚。所以只能講,呢單嘢好膠,仲要係典型法式硬膠,喺法國都解決唔掂嘅事,咁我唔認為香港人有足夠能力,去解決呢啲膠到無朋友嘅問題。

法式硬膠,會隨住越嚟越多法國人定居香港,以及香港人對法國認識加深越嚟越多,而 攝位泊車 只不過係法國式匪夷所思嘅事嘅小事。法國佬由頭膠到落腳,大家要記住呢點。法國總統候選人,可以係娶咗自己中學老師返屋企,明煲老藕,驅風驅成咁都得。但如果佢係膠,算吧喇,法國邊個總統未有過婚外情,無婚外情果個,可能只係得法國歷史上同聖女貞德同級嘅聖人戴高樂將軍,咁你自己諗吓喇。如果唐英年喺法國從政,佢啲感情缺失係唔會有人質疑,最多被人狂追佢僭建啲仆街嘢,呢個就係法蘭西,有歐盟高登之名嘅法蘭西,就係咁。

只不過,有一種膠嘢,比法國同荷蘭果啲更fail,就係比利時式硬膠,明知前面條路爛嘅都揸入去,如果荷蘭佬認為比利時佬fail,佢地都未見識過香港莊士敦道果啲totally fail,係明知條電車路掘爛晒都揸入去,仲柒過比利時佬,2012年有柒頭試過上埋報添

所以,香港本身都充滿膠力,我留名食花生,睇法蘭西同香港膠鬥膠,香港最後可以有幾fail,萬里望花生絕種嘅危機,又向前一步。

發表迴響

你的電子郵件位址並不會被公開。 必要欄位標記為 *