羅永聰-自決派-min

左膠邀請 羅永聰 去遊行面皮挑戰新厚度

講鬧左膠,本來我都唔係成日隊爆左膠果條友,只不過,左膠做啲面皮不斷挑戰新厚度嘅事,我好難唔郁手。之前當晒一眾薯粉同 羅永聰 係殺父仇人嘅左膠,特別係梁國雄,竟然好意思公開,無錯,係公開邀請 羅永聰 去果個撐被DQ四名左膠議員嘅遊行。我唔係 羅永聰 ,我唔知佢去唔去,但如果係我,我一定唔去,呢種抽水行為不單厚面皮,而且極為黐線。

左膠又要抽 羅永聰 水又要屌柒佢

我睇《蘋果日報》呢張相果陣,我最初我真係唔相信自己對眼,點解左膠可以厚面皮成咁都做得出,只不過,你睇過左膠喺HKTV事件裡面果啲抽水抽到乾塘,最後被我有份上台屌爆佢地果幕後,你就明左膠果種厚面皮喺邊。喺左膠眼中,佢地係最正義,所以全世界就算俾佢地屌柒咗,都要幫佢地,將剩低嘅水俾佢地抽。而佢地呢種又要鬧 羅永聰 ,又要抽 羅永聰 水嘅行為,正正反映出呢種心態。只有呢種心態,至會有屌票黨呢種奇怪生物。基本上,佢地就係妒忌點解曾俊華做到果種人氣,左膠做一百年都做唔到,因妒成恨嘅表現。

呢種左膠永遠唔自我檢討,永遠自我中心嘅行為,正正係全世界越嚟越憎左膠嘅原因。好多好憎左膠嘅人,曾幾何時同左膠並肩而戰。如果左膠係爭取最多嘅支持,最大嘅包容,根本長毛呢班友一早唔好屌啲lesser evil支持者,如果當年佢地對薯粉,以至曾俊華嘅淺藍支持者有番一定程度嘅尊重,我相信依家要請 羅永聰 出山支持你們四位DQ官司議員唔難,畢竟曾俊華無啦啦出戰嘅原因,最大共同敵人就係梁振英。但過去幾個月,呢班友敵我不分,甚至有啲左膠嘅做嘢手法同思維方式,其實同梁振英無乜分別果陣,問心果句,邊條友會認為左膠係佢地嘅戰友。所以依家四位被梁振英DQ嘅議員,好多人抱住嘅心態係睇住佢地死,亦都係呢個理由。我唔知梁國雄、羅冠聰、劉小麗同姚松炎,喺過去幾個月知唔知自己做緊啲乜。游蕙禎無錯係MK妹一名,但喺呢方面嘅江湖智慧,某程度上仲高過呢班死左膠,唔知左膠請 羅永聰 出嚟之前,可唔可以同一眾薯粉,或借薯片上身搞反梁運動嘅友仔道吓歉咁?

發表迴響

你的電子郵件位址並不會被公開。 必要欄位標記為 *