法國總統大選-1-min

睇獨媒啲假國際新聞真係毒撚死你: 睇 法國總統大選 就明

一直以嚟,呢度係無「國際新聞」呢樣嘢,因為我處理任何國家嘅新聞,多少摻有香港人角度,只不過,我儘量企喺在地立場,因為借「國際新聞」幫自己搞意識形態宣傳,呢個係《文匯報》、《大公報》、以至中國各大報刊搞「國際新聞」嘅手法,唔係我嘅手法嚟。我個Server喺美國,我住喺香港,國籍英國,祖家喺印尼,對我嚟講,乜嘢叫local?我編採立場係,無論美國定香港讀者,都睇得明,並且知道我分析係大致準確。只不過, 法國總統大選 獨媒果種意識形態機器之毒,你睇呢啲咁傳媒了解歐洲,毒撚死你都似。

法國總統大選 戰場係全球嘅

我相信我呢度嘅讀者,唔少係同膠事錄係重疊(基本上,呢啲有啲譯名或用字會參考膠事錄,因為配合到呢度直接用香港語文嘅寫法),膠事錄喺四月已經講,香港係 法國總統大選 同國民議會選舉嘅主要戰場之一,香港竟然係法國排行頭二百大嘅社區,法國政黨前進運動喺香港嘅活動,仲狼過英國保守黨,英國保守黨最多搞吓籌款聚餐,法國前進運動香港支部係做埋香港嘅社區工作,包括執海灘垃圾,而原因係法國經濟搞唔掂,好多人嚟香港尋求機會。呢個亦解釋咗,點解法國、德國使館在港facebook點解喺香港越嚟越高調。當然,香港喺法國嚟講,個關係好微妙,Sony Chan可以打入法國公營電視網絡,係一種好特別嘅訊號,你估咁易俾法國人認同你俾埋你入電視網,當你明法國人果種文化民族主義脾性果陣。

你睇吓獨媒俾啲乜嘢垃圾你睇,仆你個街,係報導一份由法國共產黨創辦,依家同法國極左翼關係好密切嘅報章,點樣對抗Le Pen嘅國民陣線,我睇完真係粗口都飛埋出嚟,你獨媒班友無病嘛,法國總統係行兩輪投票制,第一輪投票無候選人攞超過一半選票,就最高票兩個候選人第二輪打過,呢個制度對極端政黨好不利,包括le pen嘅國民陣線,仲要le pen兩父女喺度互屌緊,好明顯,獨媒果啲所謂 法國總統大選 報導,根本係意識形態宣傳,仲要係極左派嘅意識形態宣傳,呢啲左膠俾啲咁嘅國際新聞「毒品」你嘆。依家啲左膠,做事手法真係同共產黨都係無乜分別。

依家獨媒呢排明顯得罪我呢個方丈,無論曾俊華、中大學生會以至歐洲,都係踩中我條尾。我睇遲早日日出文以正視聽,以免呢班不知廉恥嘅仆街提供同fake news無異嘅垃圾。

發表迴響

你的電子郵件位址並不會被公開。 必要欄位標記為 *