危廈將傾

這個中秋假似乎都相當刺激,美國和中國都大事搞得雞犬不寧,看來危廈將傾的日子已經不遠。

1. 三鹿牌三聚氰胺奶粉事件,似乎不會就此收科,一方面大量三鹿牌奶粉四處流竄,搞得有腎結石的嬰兒和成人應該有一大批,這麼多人受害,加上官商互相不負責地互咬,一定會搞到膠到無朋友。況且,除了三鹿牌,一定有其他牌子的奶粉捲入其中,事情不會那麼簡單。

2. 同樣,雷曼兄弟破產事件,也不會只是雷曼入了Chapter 11就可以了事,現時花旗、日本瑞穗金融集團都持有大量雷曼的無抵押貸款,這批貸款一被打折,本來體質不好的花旗和瑞穗金融(日本邊間私營銀行體質好過?)難免會出事。牽一髮動全身,全球金融大災難看來只是時間問題。

中國和美國都出現硬膠形勢,但美國沒有三鹿牌之類的奸商,中國就可能要受多重打擊,到底日後局勢如何,我個人絕不敢估。

14 thoughts on “危廈將傾

  1. 唔洗諗啦,大冧市,經濟蕭條一如1930那時。中國一樣,內亂,老共完蛋。

    仲有,三鹿牌單野一定有高層黨員在內,正仆街!

  2. 美國人唔見ge野都係紙上富貴,總有一日(羅)得番。

    最可憐係d BB仔,細細個就搞到有d咁ge腎結石,個健康唔係咁易有番。

    而且加上污染問題,將來中國係醫療開支一定好大。

  3. 個人極懷疑,當所有網民都在擔心自己份強姦金及保險單如何是好時,特區政府有無 AIG 萬一宣佈執笠既應變計劃。

  4. 歡迎港燦大駕光臨寒舍:

    我認為港府無AIG執笠應變計劃,班友遲鈍度好高。我份強姦金放在HSBC,唔望有賺。至於AIG的保單,我有write off的最壞準備。

  5. 前聯邦儲備局主席格林斯潘在美國時間星期日早上接受美國廣播公司(ABC)的時事節
    目”This Week”的訪問時也唔睇好目前的經濟前景。

    格林斯潘話﹕“這是50年﹐或者100年不遇的重大事件。毫無疑問﹐事情的發展將比
    我所見過的任何情況更加嚴重﹐而且問題還遠遠沒有解決。”(This is a once-in-a-half-century, probably once-in-a-century, type of event. There is no question that this is in the process of outstripping anything I have seen. And it still is not resolved and it still has a way to go.)

    http://www.abcnews.go.com/ThisWeek/story?id=4008041&page=1

  6. 若連 AIG也出事, 真大檬樂. 其連銷反應可大件事. 旨意HKG, 蛇都死. 尤其是Contingency Plan.

    明天恆指下挫900點-1200點是絕對有可能.

    有那些大陸銀行有雷曼或AIG貸款/資產, 對大陸的影響, 要密切留意.

  7. 中國的銀行手上有幾多雷曼、AIG或花旗(花旗有好多房利美、房利貸同雷曼資產,呢鋪重傷),仲要研究吓。

    但中國有唔少民眾手持香港友邦的保單係事實,呢鋪一出事,唔會只係香港人嘅強迫金或保險中招咁簡單。

  8. 據聞今年五月已經有第一單嬰兒死亡個案….九月先揭發, 我諗呢單毒奶案會唔會過十萬呢?

  9. AIG 跟雷曼不同。我不是看好 AIG ,只是 AIG 涉及的保險和基金網絡太大 ,真正牽一髮而動全球。AIG 玩完,全球怕且有二十份一大企業拆完骨都搞唔掂,咁即係你坐邊個莊都係死。(實則像我家這個蚊滋都不如的小戶,也大受牽連)

    其實呢鋪我冇咁悲觀,正如歐洲央行的分析,問題根源已經被起了出來,之後點跌,都係割麥行為,大戶分屍,散戶更是必死,但金融經濟可以重整。世界冇得走回頭,做公證行和品測行業的,必然會再起跳。

    今日開市認真傑,香港網界怒 search AIG ,search rate 行情已起過了吉野家。可見大家都驚中招下馬。但驚,又可以點?

    你驚我都驚,唔襯而家個景,推爆強醫金,再爆強積金,先至夠笨。仲唔快手組織 lobbyist ?

  10. To Perennial_Loser:

    雷曼果啲輪唔停牌都唔得,因為連莊家有無現貨喺手同你賭都唔得,依家係賭場本身破咗產。

    To 李學斌:
    美國華府班膠人係膠到好難想像,聯儲局只係叫咗幾間銀行救AIG算,同埋紐約州長俾AIG向自己附屬公司借錢止咳,但我唔認為呢個係解決方案。

  11. AIG 一味靠嚇,佢業務龐大,家陣周轉唔到,其實都係講緊 400 億,約莫係 5 年利潤,佔其資產 3% 左右。如果咁樣都被拆骨,買到果個 5 年後發到豬頭炳咁。我之前睇數,AIG 仆極都係講緊 40% 肉,但班老鷹開價低到喊,個個都話要收購,俾千億都唔夠,雞碎咁多就想食了萬億資產。如果咁都成交到,先至係大災難。家陣又話得 2 ~ 3 日周轉,其實都係佢同各國政府講數,睇緊美國想俾外國拆,還是最終自保。

    家陣係信心危機大過周轉危機,真係周轉危機的話,都係果句,橫又死,掂又死,有乜好怕?

  12. 有多少肾可以来换 (三鹿牛仔)

    常常责怪自己 肾石不应该
    常常後悔没有三胺留下来
    为甚麽明明隐瞒
    到最後还是要公开
    是否质检总是 徘徊在免检之外

    牛知道又和我相遇在毒海
    奶农如此安排 总教人无奈
    这些年产品不好不坏
    只是好像少了卫生部存在
    而我渐渐明白 党仍然是我不变的关怀

    有多少肾可以来换?
    有多少奶愿意替代?
    当懂得加害以後一代?
    却不知那宝宝 会不会还在

    有多少肾可以来换?
    有多少奶愿意替代?
    当蒙牛已经下架销毁
    是否还有伊利去爱?

發表迴響

你的電子郵件位址並不會被公開。 必要欄位標記為 *