田北辰-迪士尼-min

仲注資入 迪士尼樂園 傻的嗎?

政府伸手向納稅人要多五十四億擴建 迪士尼樂園 ,田北辰議員公開呼籲反對投票支持政府決議,好可能喺經民聯、民建聯護航下, 迪士尼樂園 增資案至會通過(唔好旨意葉劉淑儀反對,條友想入番行會,無吉士之至),作為一個反 迪士尼樂園 反到寫文入香港中學中文教材嘅人,我支持田北辰嘅睇法,唔應該注資入去。

董建華忽上腦至諗出建 迪士尼樂園

香港同東京 迪士尼樂園 我都去過,我完全唔明香港興建 迪士尼樂園 有乜合理性,結果只係引嚟唔少中國劣質遊客,成件事膠到核爆。去到依家,仲有乜理由政府要繼續注資入呢個項目,特別依家隨時會支爆,一旦支爆,香港咁玩法仲唔搞到杰撻撻。其實我當年已經分析得十分之清楚,我依家copy and paste多一次

首先﹐亞洲區已有一個東京迪士尼﹐東北亞的遊客已不是香港迪士尼的市場目標。香港迪士尼明顯地針對剛復蘇的東南亞市場和潛力看似無限的中國市場。如果二零零五年真的能建成迪士尼﹐一般人都預期東南亞和中國經濟已經相當不俗。這是一種過分樂觀的分析﹐因為現時世界出現廉價工業產品過剩的現象﹐而東南亞和中國現時都不是富裕國家﹐除非這些國家能轉成高增值國家﹐金融風暴的創傷能夠完全恢復﹐否則﹐他們遊客的數量或消費能否支持香港迪士尼的投資﹐頓成疑問。

另一方面﹐香港除了迪士尼外﹐本身的文化景點不能吸引遊客麼﹖迪士尼是西方的東西﹐西方遊客不會有興趣來看。香港要吸引全球遊客﹐其賣點便是其中西文化交匯後﹐英治殖民年代種種特點。其實﹐與其在港建迪士尼﹐香港聞名於世的電影工業﹐殖民特色﹐以至街頭美食等都是廉價而收益高的賣點﹐兼且可顧及香港的可持續發展的策略﹐為何偏要迪士尼﹖

1999年,我做緊中大學生會代表會主席寫嘅文,我大三果陣嘅基本分析,到依家仍然適用。一句講晒,計唔到數,又唔係優勢成本,搞乜 迪士尼樂園 ,依家我真係不幸言中。如果政府要籌五十四億元,不如將港府手上嘅 迪士尼樂園 嘅股份變成一個信託基金,私有化good水算數,成棚中國人嚟走資,你慌無人爭住忍購基金單位?俾我用財技KO咗件事,呢個政府真係膠到一個無可理喻嘅程度,要為一個董建華忽上腦嘅建議孭到依家,真係唔爆粗都唔得。

發表迴響

你的電子郵件位址並不會被公開。 必要欄位標記為 *