顯徑邨-min

顯徑邨 賣五百萬一個單位唔代表要對公屋買賣設限制

顯徑邨 近日出咗個樓王級單位,五百萬一個三房單位。當然,以公屋比較差嘅管理,以及居民組合,呢個價大家或者覺得貴,但以地價,以至好多租者有其屋嘅用料仲好過啲私樓嚟睇, 顯徑邨 五百萬一個單位,證明地價好癲。

顯徑邨 賣得貴,都唔代表管制合理

由於呢個 顯徑邨 單位係補晒地價嘅自由市場單位,其實佢同大部分嘅私樓都係一樣嘅法律地位,所以喺無任何公帑補貼拖欠之下,大家除咗嘩一聲,我唔認為仲要有乜嘢反應,反而應該收緊中國移民申請公屋嘅限制,更加恰當。例如全部住戶成員都必須係香港永久居民,至可以申請公屋,或申請公屋前要進行語言及效忠香港測驗等(呢個等香港獨立或歸英後做),但班左膠,竟然黐線到提出限制租者有其屋,以及居屋已補地價單位嘅轉讓,成件事我聽落十分之黐線,簡直用豈有此理嚟形容呢啲荒唐主張。

對政府嚟講,租者有其屋喺收足補地價後賣俾居民,其實係抵咗。首先,公屋嘅維修費不菲,公屋嘅租金收入一定唔能夠支付維修開支,依家賣咗之後,其實住果個,都要自己俾番維修開支以及管理費用,再加入,租者有其屋,賣得果啲單位都有一定年期,其實業主都係一場賭博,香港唔係新加坡,新加坡可以有幾十年樓齡都翻新到同新一樣嘅組屋,只要你定時俾錢,香港唔可能有呢樣嘢。依家左膠仲要禁止或限制已經補地價嘅自由買賣,豈不是政府著數到爆,又無可能有錢賺,又要幫政府承擔維修開支,呢啲事邊可能咁黐線架。

其實領匯將公屋商場私有化,呢樣嘢本來無錯,只要《房屋條例》,相等於英國Housing Act,定明領匯以及日後承接領匯物業嘅業主嘅權責就okay,領匯真係問題係上市果陣嘅地價評斷有問題,有可能令本來彌補房屋津貼開支嘅公帑未能足數收回,呢個至係問題,當然左膠狂打領匯本身,又係社會主義上腦,將一個守護公帑嘅問題,變咗佢地果啲社會主義議題,呢個亦係令公眾,依家好難喺領匯問題上,再企喺反對領匯一方嘅原因嚟。同樣,左膠唔敢郁中國移民,只係怪罪小業主,呢啲是非不分嘅行為,唔怪得左膠咁乞人憎。

發表迴響

你的電子郵件位址並不會被公開。 必要欄位標記為 *