粵港澳大灣區-min

粵港澳大灣區 : 貪污project 反對到底 關我撚事

梁振英雖然就嚟卸任,但佢幫中國發財同殖民香港大計未完,乜嘢 粵港澳大灣區 規劃,就係一個赤裸裸嘅殖民加貪污計劃,梁振英唔做特首一定生活更加爽,因為特首一職對佢嚟講,實在太多限制,點啱佢呢個「橙葉測量屍」至得。

粵港澳大灣區 根本係一個不知所謂project

粵港澳大灣區 我最初聽果陣,以為係發展大亞灣一帶規劃,我心諗喺核電廠附近搞發展咁夠薑,不如叫梁振英長居大亞灣核電廠附近算,都幾爽。原來唔係,原來係要學人地乜嘢紐約灣區(我屌佢,紐約人一般講紐約港區,或哈德遜河口區,紐約灣區好少人講),三藩市灣區,所以又要學美國佬搞粵港澳大灣區,呢啲黐撚線崇美媚外,已經令人作嘔,共產黨人成日好憎美國,但自己身體最誠實,李克強同梁振英個個都係呢啲仆街嚟。

我唔明點解要將香港納人乜嘢 粵港澳大灣區 規劃,香港係行一國兩制,香港係一個獨立關稅地區,中國要點規劃廣東省,關香港撚事,香港要同中國協調環保、交通問題,呢個英國管治年代都會做,但依家好明顯係,用 粵港澳大灣區 呢個概念嚟炒作,然後啲中國人喺珠三角各大縣市亂咁炒樓,遺禍民生,除咗嬰兒潮出世,靠炒樓租樓維生不事生產啲廢柴,邊個有著數。近年中國貪官興用香港啲樓嚟行賄,呢個乜嘢 粵港澳大灣區 仲唔係貪官發財概念。我都仲未計,中國政府一定利用單程證政策,將大量殖民人口移到香港,搞到香港人滿為患。我睇完相關嘅新聞,已經係咁爆粗想問候啲人祖宗十八代,董建華暴斃對世人未必有即時益處,但我睇,陳茂波同梁振英暴斃,對珠三角一帶環境應該有好處。

但我另一樣嘢好慶係,啲反對東北規劃嘅自決派,依家一味幫於屌票,呢啲實事唔做㗎,咁得閒有獨媒針對曾俊華,不如多啲做番 粵港澳大灣區 問題先。啲本土派無留意呢個問題,本土派喺呢啲殖民議題上,應該大聲屌爆梁振英條仆街,唔好俾佢落任後仲可以搵大茶飯食,如果UGL果五千萬肥仔,我睇 粵港澳大灣區 相關利益更肥仔,仲要殖民香港用香港下一代人找數,呢啲咁仆街嘅嘢唔出聲?我真係唔知依家啲人搞緊乜。

發表迴響

你的電子郵件位址並不會被公開。 必要欄位標記為 *