李國能-DQ-min

李國能 開腔講DQ案:罕見

一般嚟講,以 李國能 呢啲咁德高望重嘅退休法官,好少喺一單案審訊期間作出評論。但眾新聞報導, 李國能 喺城大一個閉門論壇講,DQ案釋法根本係「普通法上嘅政治決定」。對於依家等候終審法院裁決嘅案件, 李國能 嘅評論係極具震撼力。

李國能 嘅評論可圈可點

城大果啲閉門論壇,唔係阿茂阿壽都可以去,所以好大機會係劉進圖親自去,因為劉進圖係少數穿梭法律、政治同傳媒三邊嘅人,要消化 李國能 嘅講話,亦要本身有一定憲法學嘅底,唔係一般無法律訓練嘅記者可以做。如果羅永聰唔係轉行從政,理論上,接劉進圖呢方面位置嘅,其中一個應該係佢。點解呢個係一個重要講話,因為 李國能 已經將人大常委會嘅本質、行為、同決定,都係定義為政治性,咁終審法院五位大法官,包括嚟自其他普通法司法管轄區果位法官,一定要決定,係唔係任由一個政治組織,利用完全無透明度性嘅過程(連due process都無,因為完全無一個public hearing,人大釋法前唔會要求游蕙禎同梁頌恆嘅代表遞submission),而中國釋法,實際上係代香港立法,大家都唔駛叫 李國能 畫公仔畫出腸,咁玩法,仲叫唔叫尊重一國兩制同司法獨立,大家心照。始終呢個係 House of Lords 班 Law Lords 只係掛住議員個名嘅法官,係另一樣嘢嚟,但英國自己都覺得成件事太膠,最終上議院都將終審權移交聯合王國最高法院處理,係有佢嘅原因。

對於好多市民, 李國能 講咗好似無講,因為佢都話人大常委唔係無權釋法,咁英國喺聯合王國終審法院成立前,除咗蘇格蘭嘅刑事案件,大部分終審權喺上議院,呢個亦係不爭事實,表面上都係議會去決定司法決定。問題係,依家人大常委釋法,連submission又無,基本法委員會啲成員,係劉迺強一類政棍嚟,成個運作上,係中大代表會近年處理上訴案件嘅嚴謹同公道程度,都遠勝於人大常委,中大代表會係會quote case(仲要 李國能 判嘅case),而人大常委,呢啲粗暴解釋你接唔接受,其實大家都好清楚。

所以要保障司法獨立,一係歸英,一係獨立,就係咁解。

發表迴響

你的電子郵件位址並不會被公開。 必要欄位標記為 *