青山靶場-min

解放軍應還香港人 青山靶場

一向是是但但嘅CCTVB,《東張西望》班友可以on99度教人擅闖軍事重地,進入 青山靶場 裡面嘅菠蘿山遊覽,仲要一堆白痴市民跟住去。雖然我唔認同解放軍駐港,但我都提醒大家唔好擅闖軍事用地,唔係因為要守法,而係因為中國人民解放軍係有槍殺同屠殺平民紀錄嘅仆街軍隊,長春餓死幾十萬人,1989年北京殺咗唔知幾多人,你仲敢入去,你班友傻的嗎?只不過, 青山靶場 應否保留嘅問題,我覺得係要攞出嚟討論,甚至解放軍要有幾多駐軍,都係一個問題。

青山靶場 嘅背景

青山操炮區(俗稱 青山靶場 )嘅出現背景,係因為英軍當年侷守香港一城,無野戰軍訓地點,同埋一旦中國南侵,青山操炮區會立即成為山頭要塞,所以劃為軍事禁區,喺英國管治年代,呢個係十分之實務嘅安排嚟。但依家香港被中國佔領,而中國解放軍可以講大把地,駐港部隊要實彈演習,中國大把更好嘅場地,點解要留 青山靶場 ,反正呢個場又唔可以做地產項目。而且,由於 青山靶場 上空三千公尺嘅禁飛限制,令第三條跑道嘅復飛跑道唔可以使用屯門跑道,為運作造成危險。因此,解放軍應該放棄 青山靶場 ,改為喺珠三角鄰近地區解放軍原有嘅設施度進行演練,而唔再係死人霸生地。

當然,就算 青山靶場 停用,都唔可以立即開放俾市民,因為有大量英軍同解放軍遺留嘅未爆炮彈喺場裡面,十分之危險,呢個要相當時日去清理,但至少第三條跑道有條復飛跑道用,而部分相對安全嘅區域,亦可以俾市民郊遊之用。當然,非法耕種呢樣嘢,我話之 青山靶場 攞嚟做乜都應該要掃蕩,非法耕種應該涉及非法入境香港人士,喺現階段嚟講,解放軍捉晒啲非法耕種人士俾警方跟進,係合理嘅做法。

其實中國要同香港人修好嘅話,除咗昂船洲海軍基地(如果中國要名義駐軍,兼作總部之用,呢個係合適地點)外,其餘地方,包括威爾斯親王大樓,應該恢復英軍交俾中國果陣嘅樣,然後交還港人。如果唔交還港人,有部分以抗日官兵命名嘅軍營,好似九龍塘軍營,應該復名奧士本軍營,以示對有份參與抗日官兵嘅尊重。依家解放軍將九龍塘軍營奧士本個名抹咗去,學乜人講抗日,你班有份勾結日本仔嘅共軍返去仆街喇。(你唔好同我講你唔知潘漢年係乜撚人)

發表迴響

你的電子郵件位址並不會被公開。 必要欄位標記為 *