湯家驊-劉江華-min

湯家驊 – 下一個劉江華

馬恩國搞乜嘢中澳法學交流基金會,又搞大龍鳳,幫中聯辦喺23條問題上打鑼打鼓。當然,馬恩國、錢志庸呢啲仆街,你評佢盞益咗佢。但今日場會有個座上客,大家不得不防,呢條友叫 湯家驊 ,佢越嚟越似下一個劉江華,香港支持民主嘅人,不論派系不得不防佢。

湯家驊 有豐富投共資本

歷史上投共嘅人好多,特別被迫投共果啲,只不過,你有嘅資本唔同,中共對你對待都唔同,好似劉江華可以入民建聯,做埋民政事務局局長,因為劉江華係帶成隊兵(港同盟沙田支部),同埋民主派喺沙田嘅地區網絡嚟投共,呢啲特別仆街,但亦會特別重用。一如國共內戰後期,傅作義向中共投降,但點解中共特別會重用傅作義,一方面係做人辦俾國軍睇打心戰,另一方面,傅作義令北京無血開城,仲要係一早同共產黨夾定埋,扮晒反共,結果佢係內應果個,大大減省共軍南進嘅進度。如果北京係血戰收場,我相信國共內戰至少要打多兩三年,中共亦唔可能定都北京,因為北京喺大巷戰下一定十分殘破。所以咁多個投共嘅國軍將領之中,傅作義係其中一件最仆街嘅將領,但亦係投共將領之中少數可以做部長,同埋做埋軍委果個,簡單嚟講,佢根本係共產黨嘅人,劉江華都係傅作義模式嘅一個變種嚟。

依家 湯家驊 都係帶豐富投共資本過嚟嘅人,首先,湯家驊有反23條嘅光環,畢竟佢係基本法23條關注組其中一人,跟住,佢又係打前線嘅民主派,仲有,佢係法律界相當德高望重嘅人,唔係馬恩國、梁美芬呢啲,你見佢前面想打佢後面果啲人,所以依家中聯辦,係好想用傅作義、劉江華果一套盡量招攬佢過嚟,如果由佢嚟為《基本法》23條立法,佢比薯片叔危險一百倍以上,薯片唔係法律專家,當時亦唔知佢想搵邊個做律政司司長,但依家由 湯家驊 做座上客睇,佢有可能係律政司司長。仲要一樣嘢, 湯家驊 好早表明支持林鄭月娥,佢搞嘅民主思路近排直頭做咗搞柯文哲嘅爛頭卒,而 湯家驊 係屬於一早搵夠,佢唔退休,又唔做法官,喺法律界可以搵嘅榮譽,就係做律政司司長,所以我睇, 湯家驊 做下一個劉江華嘅機會相當大,香港人喺面對未來律政司嘅檢控,一定要極度小心,律政司司長並唔係搵唔到人。

發表迴響

你的電子郵件位址並不會被公開。 必要欄位標記為 *