歷史的先聲-min

歷史的先聲 :中共黑歷史

今年DSE歷史科,突然搵啲中共黑歷史出嚟做data question,引起廣泛討論。如果有人話考評局有陰謀,我覺得呢個講法太唔熟中共黨史,笑蜀編嘅 歷史的先聲 ,當年喺汕頭大學出版社被查禁果陣,中宣部丁關根條仆街係要將剩低嘅書化為紙漿,無攞去氣化都已經偷笑。而呢本書,應該係研究中共黨史嘅必修課本,因為成本書都係毛澤東班仆街嘅走數紀錄嚟。

歷史的先聲 :中共走數大全

笑蜀係專修中共黨史嘅專家,通常修中共黨史嘅人,搞得唔好走火入魔,會好仆街。但無走火入魔,通常都有天師捉妖嘅能力,笑蜀係少數中國本土長大,無外來背景影響下,變得成日玩中共嘅中共黨史專家。佢喺1989年民主運動被鎮壓,學生被屠殺後,成為中共針對對象,無嘢做。無嘢做期間有乜好做,佢就攞晒毛澤東等人喺1949年之前啲文章、講話,匯集成書,將毛澤東喺1949年前昆鳩中國人講果啲嘢,同今日比照,簡直係賭撚都唔係佢果皮,所以成本書將會極之好笑,因此,呢本書一出咗,中宣部知道出咗事,就諗辦法查禁,最後呢本書現存可以喺書局買到嘅版本,係香港大學出嘅,成件事極為諷刺,膠到無朋友嘅地步。

其實今年DSE歷史出題果條友係好有心,第一條關於香港嘅題目,係香港版嘅《最後一課》,但只係寫香港萬歲係唔夠,所以宅心仁厚嘅出題小組成員,再加多一句,叫「唔信共產黨」,共產黨1949年可以走數,今日都可以走數,乜嘢一國兩制,港人治港,完全係呃鬼食豆腐之作嚟,當兩題夾埋一齊睇,學生識諗嘅嘢,或者日後操past paper嘅人知道嘅話,就知道香港應該要走嘅路係乜。點解唔少主張台獨、港獨嘅人,都係研究中共黨史嘅背景,因為越熟中共歷史,越知道呢個黨根本係靠偷呃拐騙,殺人放火起家,講句難聽啲,分分鐘啲幫會都可能乾淨過共產黨,而 歷史的先聲 正係一本好好嘅入門書,話俾大家聽,中共可以做戲做到乜嘢層次,為咗奪權,可以不擇手段到乜程度,再夾埋長春圍城、大躍進、文革呢啲黑歷史一齊睇,你明點解中國無得救,因為一班人渣將成個國家啲人都變晒人渣,呢個就係歷史。

發表迴響

你的電子郵件位址並不會被公開。 必要欄位標記為 *