獨媒-無恥-黃俊邦-min

獨媒 可以有幾無恥?

獨媒 違反社總喺羅永聰分享嘅house rule,將分享會內容披露出嚟,其實呢件事係極度影響其他網媒日後爭取採訪機會,因為大家會以為網媒個個都好似MyRadio咁,一啲底線都無。點知, 獨媒 啲編輯唔覺得呢單嘢係有問題,仲喺度沾沾自喜。

獨媒 究竟係獨立媒體定係無底線宣傳機器

獨媒-無恥-黃俊邦-min
獨媒-無恥-黃俊邦-min

呢件事佢話邊啲薯粉KOL,我唔知,但有一點基本問題係十分清晰,就係house rule唔可以報出嚟嘢,一般嚟講off the record嘅嘢,係唔會報,一係唔會去個event,一係就唔該守規矩。如果記者唔守off the record嘅原則,受訪者唔知自己講嘅嘢係唔係會見報,咁我點敢接受你呢啲記者受訪。點解我近年少接受訪問,都係呢啲香港式唔守規矩行為,我作為受訪者,唔通吓吓都要錄音,然後有乜事就準備攞晒錄音嚟對質?好似羅永聰呢件事,house rule講明off the record,你依家on the record,但新聞主角唔可以公開成個會面內容,以核證獨媒嘅記者有無亂寫嘢,咁呢個叫公平咩。我周時都出席off the record嘅meeting,但除咗極度例外嘅情況,否則我只會當係secret,或者喺分析評論果陣for my own reference only,呢個係基本嘅底線問題,黃俊邦仲怪「薯粉KOL」喺度spin,即係你們自己覺得無錯喇,咁我想問題,依家 獨媒 嘅做嘢手法,同文匯大公星島有乜分別?

依家黃俊邦仲周圍幫 獨媒 要捐款,我公開呼籲,大家一蚊都唔好捐俾 獨媒 ,我好少做呢啲叫人唔捐錢,呢個世界各有各做,但依家俾我睇到, 獨媒 內部嘅人,只係當 獨媒 係一個打手機器,利用一個累積咗一定讀者同公信力嘅傳媒去做政治宣傳,仲要係用捐款去做,呢件事十分之得人驚,作為 獨媒 曾幾何時嘅月捐者,依家嘅 獨媒 完全係有違初衷,你要做政治宣傳機器,唔該講到明,唔好喺度扮晒正義,呢件事係擺明違反傳媒操守, 獨媒 可以唔撤回報導,只不過,內部死唔認錯呢家嘢,大家都應該呢檔嘢除咗仆街,我無其他更好形容詞。

發表迴響

你的電子郵件位址並不會被公開。 必要欄位標記為 *