郭富城-國貨城-min

當 郭富城 變咗國貨城

郭富城 成51歲,佢娶老婆係正常,畢竟佢啲fan,都過晒對天王有幻想嘅年紀。只不過呢, 郭富城 搵件嘅中國女人做老婆,我諗係四大天王裡面揀得最差果個,娶老婆娶到俾人恥笑就真係。 郭富城 變咗國貨城有幾大鑊,其實有幾樣嘢可以睇。

郭富城 膠喺啲乜

劉德華搵南洋華人之後朱麗倩,或者張學友娶羅美薇,呢兩個都好正路嘅。啲人成日話港女港女,但四大天王裡面,娶老婆暫時未出過事,亦係劉德華同張學友兩位,港女又好,南洋華人都好,家人同另一半本身至少都識大體,同埋明白另一半身處位置,唔會吓吓俾啲膠到無朋友嘅嘢你嘆。特別四大天王最早娶老婆係張學友,張學友雖則唔賣靚仔,但咁耐以嚟最正常果個係佢喎,我諗羅美薇證明咗,港女其實係好可靠嘅,只不過唔知點解傳媒有意抹黑港女人,睇嚟都有一定政治味。

至於黎明果個case,我諗大家知道黎明成日都咁多金句,正常嘅港女,都好難頂得住一個日日派膠嘅人做老公,你講緊廿四小時對住一個可以隨時講出「空肚食早餐」、「肥過電單車」呢啲金句嘅人,你估咁易頂得住㗎,所以黎明最初娶老婆係一個美國長大,有越南血統嘅澳門人,係好正常不過嘅事,簡單嚟講,黎明並唔係一般香港人,佢係一個講香港語文嘅鬼佬嚟,當然,黎明一切都好嚟好去。

至於 郭富城 ,佢套新郎哥西裝,固然係千年道行一朝喪嘅代表,而且 郭富城 依家至係惡夢嘅開始,我估娛樂記者對佢嘅家人極有興趣,一個連我細個已經聽你唱歌都噏得出嘅外父,呢家人有幾愛登士家庭,你真係諗都諗得出,如果娛樂版狗仔隊影到佢外家啲膠嘢,喺一個hit rate主導嘅年代,你仲唔準備日日上娛樂版頭條,呢幾日香港啲花生都爭啲被 郭富城 搞到絕種喇。

而且,我可以肯定,呢家人一定千方百計要 郭富城 申請佢地嚟香港,最初話咪話要喺香港生仔,所以要居留香港,跟住又話要照顧啲仔女,又申請多幾個人落嚟香港,跟住又唔知乜叉理由,又要 郭富城 申請落嚟香港,到時真係有排 郭富城 受,到時佢屋企唔慌唔係國貨城。所以,娛樂版狗仔隊一定好感謝 郭富城 娶件咁嘅老婆返嚟,留名食花生都食滯,成個萬里望突然變得一望無際。

發表迴響

你的電子郵件位址並不會被公開。 必要欄位標記為 *