DSE歷史科

向2017 DSE歷史科 出題老師致敬

雖然依家中共千方百計控制教育部門,但有人用DSE作為反抗專政嘅工具,今年 DSE歷史科 嘅試卷,竟然出現大中華膠一直以嚟嘅禁忌,亦係歸英派同港獨派最強嘅理據,1982年嘅民調,只有百分之四香港人支持「回歸中國」,超過七成市民支持繼續留英。

DSE歷史科 試卷最後嘅一課

試題中提及嘅民調,係真實存在,係香港革新會嘅民調嚟,林鴻達同一眾朋友喺香港大學圖書館喺2014年搵番呢份民調出嚟,民調嘅原件,以下可以睇得番晒,唔係老作出嚟。

1982 Future of Hk Poll by anymous_reporter on Scribd

香港革新會係一班左膠洋人為主嘅政治組織,包括後嚟投咗共嘅杜葉錫恩,所以呢份民調係相當具代表性,香港人就係唔想俾共產黨統治,如果今年再做一次,我相信民調結果,特別年青果班更明顯,隨時香港土生土長果班寧願歸英都唔要中國統治。而 DSE歷史科 係第一次將本土派搵出嚟嘅史料攞嚟做題目,我相信大部分大中華膠嘅老師,呢次被殺個措手不及。所以我話呢次 DSE歷史科 考試,實際係上今年中六學生嘅最後一課歷史課,教係真實嘅香港歷史,香港係無尊重民意,被大中華膠嘅大學學生會中人(包括馮煒光)製造假民意下,迫英國交出香港,唔係香港人想離開大英帝國。所謂香港人期盼「回歸」,只不過係一啲攞咗共產黨著數嘅權貴編造出嚟嘅廢話,邊個話香港人真係接受同支持呢個所謂「回歸」。如果啲人咁接受,點解要移民加拿大、澳洲、英國、美國呀,我想問果啲人。

所以我一定要向今年 DSE歷史科 出題嘅團隊致敬,因為香港有操past paper嘅傳統,呢一部分,就係以後操past paper一定要面對嘅部分,喺操past paper過程中,就算無香港史都好,作為文科嘅學生,都會知道,香港1984年中英談判果陣,香港人根本無支持過所謂回歸,所謂回歸只不過係被強姦嘅民意。之後BNO平權、香港獨立,香港歸英重新公投呢啲嘢,就係相當順理成章,因為呢個係一筆歷史債務。正如張五常教授透過A-Level經濟試卷,將芝加哥學派、奧國學派果套普及一樣。

發表迴響

你的電子郵件位址並不會被公開。 必要欄位標記為 *