羅永聰-min-2

羅永聰 講嘅都係政治戰略人嘅常識

羅永聰 喺社總閉門分享揚鬼咗,你叫獨媒收番都零可能,班友一定大大聲嗌乜叉干預新聞自由。我倒不如利用呢次機會,導正左膠對政治戰略人嘅抹黑,呢個抹黑,都唔係第一日開始。基本上,我由大學學生會到依家,都係經常面對呢啲左膠嘅抹黑,去到見怪不怪嘅程度。

羅永聰 都係講戰略人嘅常識

好多人唔知乜叫戰略,我暫時用住Richard P. Rumelt分析戰略嘅三個元素(Rumelt, Richard P. (2011). Good Strategy/Bad Strategy. Crown Business. ISBN 978-0-307-88623-1),呢個係英文維基百科都用嘅定義,戰略包括

  1. 判定挑戰嘅本質。
  2. 定立回應挑戰嘅指導原則。
  3. 實際行動實行指導原則

呢個就係戰略嘅基本,而泛民裡面,最明顯係咁諗嘢果個,其實就係大家一直笑佢on9果個戴耀廷教授。當然,戰略最難係第一步,因為第一步錯,就乜都錯。因為你唔同戰略元素嘅trade-off,都係建基你第一個判斷上面。但第一個唔係咁易做得好,否則人人都係諸葛亮,但最低限度,第2、3點,即係回應指導原則,定執行,係要做到。

羅永聰 話北京睇民意決定特首,呢個戰略判斷係錯與對,定當中有乜問題,呢個可以戰略人去討論。但佢嘅指導原則:爭取最大民意。然後向中間路線呢個無人掂嘅無人地帶進發嘅執行,係十分之好,甚至泛民要學習。佢地淺藍嘅判定尤其重要,

「淺藍」則是非政治、看TVB和只看娛樂版的人,所以決定要行明星路線;後來找了周潤發作宣傳

呢班友,你點樣去爭取,呢個執行好重要。例如郭富城娶個中國女人,都可以係一個本土派議題嘅執行方案(我黃昏示範一次),大家要留意,其實廿四小時留意政治嘅,唔係大多數人,甚至呢班友本質係同民眾脫節,一個緊扣民情嘅政治人,係有正常嘅生活同興趣,可以係攝影、可以係講爛gag(如區諾軒,佢啲爛gag,香港佢敢認第二,無人敢認第一)、可以係食嘢、可以係體育,無可否認, 羅永聰 喺第2、3點,某程度上係成功,否則唔會打出六成民意支持,林鄭月娥攞番個比梁振英更爛嘅廢墟返嚟做戰績。雖然,呢啲焦土戰爭,我成世人打過好幾次,呢啲焦土,唔係本土成日濫用果啲焦土打法。呢個日後容我詳細解釋。林鄭月娥呢條友,有乜興趣咁?我十分之懷疑,我懷疑佢比沈醉於數學世界嘅林兆波更沉悶,林兆波研究純數都係一門嗜好,話雖冷門啲。

點解左膠或熱普城成日攻擊戰略人,除咗佢地心懷私心,甚至暗中投共外,仲有一點好重要,就係戰略人嘅實績,顯得呢班友嘅廢柴,尸位素餐嘅本質,以為攞住光環長期呃到飯食,結果不堪一擊。好似本土派,點解可以守住中大學生會幹事會,無錯,周豎峰言論經常講大咗,講突晒,但係,周豎峰搞電競大賽,同埋中大學生會notebook購買計劃執行得好,佢有淺黃、淺藍飛,夠守住學生會有餘,亦令左膠最終只能退守無咁明顯睇政績嘅學生報。中間路線選民係一個戰略人基本課題嚟,民進黨都係解決咗呢個課題,得以再度執政,但係,左膠同熱普城,識條鐵。

發表迴響

你的電子郵件位址並不會被公開。 必要欄位標記為 *