獨媒-羅永聰-min

獨媒 嘅傳媒操守:左膠就係唔駛有傳媒操守

呢幾年,左膠暴走唔係新聞, 獨媒 多次充當打手角色,只不過,以往好多 獨媒 有問題嘅文,都唔係 獨媒 in-house 出,好似覃俊基呢啲馬克思主義原教旨主義分子,你明知係左膠老友,用左翼21名義出文你入唔到佢數。只不過,呢次 獨媒 報導羅永聰社總分享會,唔理人地house rule然後由自己嘅記者出文報,呢次 獨媒 究竟有無操守,我真係十分之懷疑。

獨媒 同MyRadio有乜分別?

羅永聰呢次出席社總分享會,其實一般都會講明個house rule就係closed door,原因係當中真係想俾與會者無顧忌咁暢所欲言,免得日後清算。呢啲closed door sharing,最多話自己出席過,或者一啲非常情況,例如幾年後,有出席過sharing嘅guest,被個host啲馬仔搞,大家至會揚出嚟,保護被搞果條友,但大部分情況下,house rule is house rule,大家一定遵守。

麥馬高同一眾 獨媒 高層,一直以嚟擺姿態好高,好似霸住成個道德喜馬拉雅山咁,但呢件事上,你班左膠質疑羅永聰嘅「道德」,你班左膠有無問過自己嘅道德操守,爆一個閉門分享會,又有幾大公眾利益,乜依家 獨媒 變咗大榴槤,要成日追hit rate嚟生存㗎,真係沒有最黐線,只有更黐線。依家 獨媒 ,同當年黃毓民以MyRadio記者身份,喺曾蔭權個發布會上搗亂有乜分別,呢個亦係令政府振振有詞去ban咗網媒採訪,而公眾同情遠遠唔夠嘅原因。左膠好憎黃毓民,但實際操作果陣,左膠同黃毓民,其實並無乜嘢分別。

既然 獨媒 都爆咗羅永聰分享咗啲乜,其實羅永聰講果啲,只不過作為一個專業政治幕僚應有嘅常識,只不過,香港啲左膠,同英國工黨果件廢拉柴高志民一撚樣,既不尊重規章,亦唔尊重民意,自己唔識民意,就個個變晒聯合航空公司,打柒唔到對手,就打柒自己啲客,結果香港左翼運動就越走越窄。英國工黨之所以唔死,係因為當年貝理雅、白高敦主張走嘅第三條道路。英國仲話晒仲有個真左翼Dennis Skinner(英國駐港使館譯名施謙禮,簡直係天下第一大玩笑),香港?啲左膠咪係中大學生報玩選舉舞弊嘅莊螢果種級數。

發表迴響

你的電子郵件位址並不會被公開。 必要欄位標記為 *