陳茂波-財政司司長-min

陳茂波 做財政司司長與否係一個重要指標

林鄭月娥係仆街,呢個大家都知,佢係傀儡大家都知,但佢係唔係梁振英嘅傀儡,即係傀儡嘅傀儡嘅傀儡,呢個至少成件事嘅重點,而測試林鄭月娥係唔係一件傀儡中嘅傀儡,睇財政司司長係咪 陳茂波 繼續做落去就知。

陳茂波 係梁振英嘅大掌櫃

陳茂波 之所係一件指標性人物,因為當初梁振英之所以千方百計要 陳茂波 做財政司司長,因為好多利益上嘅關係,必須透過一個熟悉土地政策嘅財政司司長去做,而 陳茂波 作為一個評稅主任出身嘅會計師,正好可以扮演關鍵嘅角色。如果林鄭月娥係有番一定自己意志,佢肯搵番公務員系統出身嘅人,都或者可以維持曾蔭權-梁錦松-唐英年-曾俊華年代大致上傳承自麥高樂嘅財政政策。 陳茂波 做,等於香港真正特首仍然係梁振英,成件事仲衰過梁振英當權,梁振英做緊果陣,都有件曾俊華由頭到尾阻止梁振英發達,依家?成班友蛇鼠一窩,屆時真係唔著草都唔得,呢個亦係點解,喺今年特首混戰期間,我企喺曾俊華果邊嘅其中一個理由,財政紀律呢樣嘢,易毀難立,如果破壞咗,要重建番,好可能係香港獨立後都未必重建得到,甚至香港歸英,都唔一定可以成功重建番財政紀律,而財政紀律呢樣嘢,係左膠同梁振英同樣仇視嘅嘢,否則社民連點會一路都係追打曾俊華,而唔係點打林鄭月娥啫,呢啲嘢,乜都有得解嘅。

所以依家乜人做其餘問責官員嘅位都唔係關鍵問題, 陳茂波 會唔會喺7月1日消失喺財政司司長官邸就係一個關鍵問題,如果 陳茂波 係會out,由其他人做,果個人正正常常,香港死得無咁快,如果 陳茂波 係留嘅,大家應該諗定要點走佬。仲有一個位,邊個做都係好重要,果個位係律政司司長,我睇袁國強無心戀戰,否則唔會裝修佢原本嘅office,做資深大狀好過做律政司司長咁傷痕累累。最怕又搵啲唔夠料嘅仆街事務律師做,更怕係已經變咗質嘅湯家驊資深大律師去做,湯家驊去做律政司司長,全香港真係準備走得。當湯大狀仲未變質果陣,佢做律政司司長梗係人人讚好,堅有料兼捍衛人權,《基本法》23條應該立唔到,依家?我睇啲刑事檢控政策都分分鐘仲嚇人過袁國強。

發表迴響

你的電子郵件位址並不會被公開。 必要欄位標記為 *