邱騰華-min

邱騰華 做政務司司長?唔X係嘛

如果陳國基做特首辦主任,咁依家特首辦主任 邱騰華 又做乜,呢個問題十分之耐人尋味,依家有傳林鄭月娥打算搵 邱騰華 做政務司司長。我睇完呢段消息,我即刻爆咗粗「唔撚係嘛」。一個曾經同 邱騰華 交手,甚至迫過佢改變法案嘅人,我可以講,未來香港啲花生將會好撚貴。

邱騰華 傲慢同林鄭月娥一樣

我幾時同 邱騰華 交手,就係停車熄匙果役,佢係環保局局長,我係對停車熄匙草案好有意見嘅一介草民。當時我為咗反對停車熄匙法律,我以多倫多嘅停車熄匙法律為文本,以職業安全等方面為理由,要求必須有酷熱天氣警告豁免,當然我已經 XYZ 話 邱騰華 誤導市民,但 邱騰華 對我提出嘅意見不以為然,扮晒環保塔利班,認為任何豁免都唔可以有,如果有豁免就好大件事。

喺2010年開Bill Committee,我又一次入submission,鄭重提醒 邱騰華 玩落去會出事,但 邱騰華 又當我係傻嘅,結果2010年7月,嚟劑熱死人事件, 邱騰華 知道事已出,被迫將酷熱天氣警告同暴雨警告訊號豁免寫入法案,成為今日法律嘅一部分,呢個就係所謂嘅「黃世澤修訂案」(其實《汽車引擎空轉(定額罰款)條例》附表一嘅第6駐軍豁免,第9惡劣天氣豁免,都係基於我建議寫出嚟)。

作為一個同 邱騰華 交過手嘅平民,我可以咁講,佢做特首辦主任未必會有事,因為佢只係對住梁振英,佢同梁振英硬鬥硬係佢嘅事,但做政務司司長完全另一回事,佢一定會被人迫到膠到無朋友嘅情況下,佢至會收手,即係好似酷熱天氣警告豁免出現,因為有熱死人事件,佢就搵我啲submission當救命草。大家諗吓,佢做政務司司長果陣,如果出現幾個類似黃世澤咁嘅人,熟書而且肯提出合理反建議,我睇 邱騰華 同林鄭月娥一定玩謝。但兩條友為咗推啲膠law,一定同大家硬鬥硬,總之唔搞到香港打世界大戰唔心息。所以我對 邱騰華 做政務司司長好有意見,亦都係咁解。

我對 邱騰華 個人本身無乜意見,我都同佢私底下食過一次飯,佢個人放工後都係平常人,但佢on duty果陣,我認真不敢恭維。

發表迴響

你的電子郵件位址並不會被公開。 必要欄位標記為 *