張德江-基本法27條-min

基本法27條 釋法:想要真港獨就放馬過嚟

張德江果然係北韓金日成大學嘅高材生,見上次DQ釋法西方國家反應唔夠硬,見特首一役習近平大敗,又玩新嘢,打算就 基本法27條 釋法,將港獨剔出言論自由外,順便迫香港硬食基本法23條立法,張德江可能估,西方國家未必有反應。

基本法27條 立法等於觸及紅線

張德江呢條仆街唔記得,香港同中國其他城市唔同地方在於,香港係《中英聯合聲明》下成立嘅城市, 基本法27條 對言論自由嘅定義,一定要根據兩份國際人權公約,以及世界各國公認嘅言論自由定義,唔係你張德江講咗算數。一旦 基本法27條 釋法,無論點釋都會觸中兩份國際人權公約嘅紅線,英國同西班牙都容忍國內分離主義言論,甚至俾分離主義政黨執掌地方政府,更何況香港。我可以講,之後世界各國一定視中國違反《中英聯合聲明》,屆時英國有莫大壓力要BNO平權,因為屆時香港就真係有政治犯同難民,屆時英國唔幫BNO平權,世界各國政府會希望幫英國執呢舊蘇州屎?咪玩喇。所以呢個諗法,一定係出自張德江呢啲北韓人,個腦同金正恩都係同一個構造嚟。

一旦 基本法27條 釋法,本來世界各國未必知乜叫港獨,依家人人都知,並且獲得同情,另一方面,就算港獨要以武裝形式進行亦於理有據,因為已經無法以和平、理性、非暴力嘅方式去討論港獨呢個議題。中國要指責港獨分子係恐怖分子嚟作為打壓理據,都係有難度,點解西方國家對維吾爾人參與拉登組織相對寬容,因為佢地喺中國備受壓迫,參與恐怖組織,某程度上係走投無路嘅結果。同居住喺西方國家,或回教佔優勢嘅國家嘅國民,走去參與恐怖組織明顯唔同,西方反恐都好,都多少會講番一定程度嘅道理,你估好似中國咩,搞無差別打壓?

本來曾俊華落敗,已經係一條分水嶺,雖然短期會有我厭惡政治嘅情況,但長期嚟講係港中分家嘅重要里程碑嚟,同樣, 基本法27條 釋法,唔會達致北京想要嘅反港獨目標,相反只會令更多年青人考慮港獨。港獨會否興盛,會否壯大,我成日話,決定權並唔喺香港人,而喺北京,中國犯錯越多就越有機。

One thought on “基本法27條 釋法:想要真港獨就放馬過嚟

發表迴響

你的電子郵件位址並不會被公開。 必要欄位標記為 *