華為 P10-min

華為P10 事件:中國牌子手機應免則免

中國牌子手機可怕,呢個唔係新聞,特別中國買到嘅型號,連Google Play都無。只不過,仍然有人因為唔同理由買中國牌子手機,好似 華為P10 ,好多人貪佢Leica雙鏡頭,鏡頭部分有Leica認證,仲唔係正嘢。結果一樣出事,華為喺 華為P10 隨機選用內部記憶晶片,可以係eMMC 5.1、UFS 2.0或UFS 2.1,速度係天淵之別,你買到乜嘢速度嘅手機,就完全係睇彩數,咁做生意都得,真係匪夷所思之極。

華為P10 點解咁都夠膽死

華為P10 係旗艦級嘅手機,華為喺手機上個朵臭咗一段日子,係華為P9至扳回一城。所以呢層好明顯係,華為慣咗用偷工減料嘅手法提高利潤,以為啲人唔知,但Android嘅效率係唔及iOS,你部機一偷工減料,其實啲人會發現,所以呢次咪俾中國嘅玩家發現咗。華為啲software、driver等等,全部質量都差到無朋友,如果唔係LTE USB Stick根本無選擇,我都唔會想用華為,用華為嘅LTE USB Stick會搞出四國語言當機,呢個已經唔係新聞,呢個同華為寫driver啲人亂嚟有關,次次睇crash report都想詛咒華為啲設計師。簡單嚟講,一間做慣啲嘢亂嚟嘅公司,除非管理層有極大嘅變化,否則都只會亂嚟落去,而華為正係當中嘅人辦。

點解蘋果iPhone咁多人追捧,特別中國人,以前話係靚,依家唔係靚嘅問題,而係對生產公司品質監管信任問題,蘋果啲機無錯係富士康裝嵌,仲要喺中國裝嵌,但蘋果對質量嘅要求係相當嚴格,Mac以襟用著稱,iPhone 5可以用五年,透過換電池都可以繼續用到依家,呢個就係果個價值。而三星嘅質量問題,Note 7事件已經解釋得好清楚,Note 7呢個名係對三星集團內部管理嘅正確評價。而中國牌子嘅手法,由華為到Lenovo,個個身為國際大牌子都膠到無朋友,其實Android手機,無可能無乜邊部可以揀,如果影相真係咁重要,用Leica鏡頭,不如Panasonic LUMIX CM-10算,至少Panasonic啲Leica鏡頭都見得吓人。

發表迴響

你的電子郵件位址並不會被公開。 必要欄位標記為 *