飛越瘋人院-葵涌醫院-min

葵涌醫院迫人留醫仲荒謬過 飛越瘋人院

相信好多影迷,都睇過One Flew Over the Cuckoo’s Nest( 飛越瘋人院 )呢套經典,呢套片係探討革命嘅一套好片,當然片中情節荒誕度爆燈,扮short搞到要著草,呢個plot應該現實仲有可能發生。但明明無short但被迫入院,呢種情節,恐怕膠到 飛越瘋人院 編劇都編唔出,但香港偏偏發生咗呢啲咁黐線嘅事。有一名有輕度鬱抑症病人,無喇喇被老點住咗兩個月葵涌醫院,仲要找四千三蚊醫藥費,恐怕呢個人嘅親身經歷,夠再寫一套荷里活電影有突。

葵涌醫院班友唔知自己好硬膠嘅咩?

明明唔駛住院,但老點病人搞到住院,醫管局應該就呢件事道歉,因為呢種情況,相關嘅醫生同護士,已經仲無情冷漠過 飛越瘋人院 裡面嘅醫護人員,點解呢件事可以發生,究竟葵涌醫院裡面,啲醫護人員一年裡面誤判有幾多單明明唔駛留醫,就走去留咗醫嘅個案,又有幾多要留醫嘅個案,竟然唔駛留醫,最後搞出血案出嚟?呢個問題,比 飛越瘋人院 裡面,男主角明明無short都可以呃晒啲醫護人員信佢有short呢樣嘢更撲朔迷離,所以呢單新聞嘅荒謬程度,係近年最登峰造極嘅一單,唔好話周星馳,荷里活編劇都編唔出呢啲咁有哲理,但有人現實中受害嘅情節。申訴專員又好,香港醫學會又好,無理由唔對呢件事作出調查,如果咁都得,咁呢單嘢同 飛越瘋人院 果個世界有乜分別?唔通依家香港真係好似 飛越瘋人院 嘅命題咁樣,變咗一個超加大碼嘅精神病院?呢單嘢真係太膠,仲要有電影情節參照果隻硬膠,所以一定要攞出嚟討論,呢單嘢真係膠到爆晒錶,如果外國傳媒報呢單新聞,相信一定攞 One Flew Over the Cuckoo’s Nest 呢套經典做比照對象,屆時香港醫管局同葵涌醫院,真係唔柒出全世界都唔得,因為 One Flew Over the Cuckoo’s Nest 真係太出名。

我只能講,香港電影不振,因為現實發生嘅事嘅荒謬度,已經超越編劇所能諗嘅程度,喺香港, 飛越瘋人院 劇情係咁出現,除咗用黐撚線嚟形容,我諗唔到其他更好嘅用字。明明無黐線,被屈做黐線,所以就係黐撚線。

One thought on “葵涌醫院迫人留醫仲荒謬過 飛越瘋人院

發表迴響

你的電子郵件位址並不會被公開。 必要欄位標記為 *