工黨-min

工黨 啲廢人究竟有幾廢

英國大選最後結果係點,暫時唔知,只不過,全世界抽 工黨 水抽到水都乾,呢點都應該幾肯定。由 Have I got the news for you facebook page,到不少英國人嘅 Twitter 都寸到工黨黨魁一棟都無,但最仆街係前保守黨副主席,民調專家 Lord Ashcroft嘅twitter,話 工黨 嘅政綱係毛語錄,呢個真係mean到一個點,但又好point嘅講法。但 Lord Ashcroft 唔係為寸而寸人, 工黨 走上滅黨之路,正正同 工黨 太多左膠有關。

工黨 所謂民主化令左膠盤據全黨

工黨 同英國其他政黨有樣嘢好唔同,就係黨魁選拔制度,喺1984年至2014年,黨魁由國會議員同歐洲議會議員、支持工黨嘅工會同左翼社運團體,以及黨員選出,三部分喺計票果陣份量相同。雖然搞到工黨受工會極大制肘,但只要黨員唔太膠,同埋國會議員肯做嘢,極左力量有機會被壓制,呢個係貝理雅年代可以出現嘅原因。但2015年出現好恐怖嘅改革,就係工黨國會議員同歐洲議會議員嘅意向唔再獨立計算,黨魁只要有百分之十五工黨國會議員支持就得,黨魁由黨員、工會會員(附屬黨員)、社運組織會員(附屬黨員)同俾咗三英鎊嘅贊助者選出,呢個改革令大量左膠透過俾三英鎊就可以扶個黨魁上去。左膠無嘢叻,呢啲玩漏洞霸位嘅嘢最叻,一如中大學生報被DQ果個莊班仆街,因此,英國工黨呢個廢柴黨魁,一直都隊唔冧佢,國會議員明知佢係廢柴都趕佢唔走,結果依家工黨咪面臨史無前例嘅滅黨危機,俾保守黨、自由民主黨同蘇格蘭民族黨夾殺。

講番Lord Ashcroft,點解話佢寸得啱,因為依家支持高志民嘅黨員,都係仍然迷信階級鬥爭嘅左膠,一如lesser evil大混戰期間,左膠敵視曾俊華,因為曾俊華係佢地眼中嘅「階級敵人」,唔理林鄭月娥嘅所作所為已經叛離咗工人階級,扶植階級叛徒都要反對階級敵人,呢啲毛澤東式思維,就係全球左膠嘅問題。所以 Lord Ashcroft 寸工黨班左膠嘅政綱係毛語錄。喺全球化同人工智能興起嘅年代,仲有乜撚階級敵人,全球化唔係階級問題,唔好搞錯,馬克思果套framework係用清朝嘅疫苗處理廿一世紀嘅感冒,你覺得work嘅,毒你唔死都大命喇。

由英國,我們可以明知,點解香港嘅左膠,可以咁撚硬膠。

One thought on “工黨 啲廢人究竟有幾廢

發表迴響

你的電子郵件位址並不會被公開。 必要欄位標記為 *