英國國會選舉-min

英國國會選舉 暗湧處處

首相文翠珊突然解散國會,喺6月8日舉行 英國國會選舉 表面上戰略合理性好強,工黨黨魁有史以嚟最廢最虧(只有左膠擁護,香港左膠夢寐以求嘅黨魁),保守黨民望超高,儘早大選清理反 BREXIT 嘅柒頭一天都光晒。但實際上暗湧處處,因為依家乜事都可以發生,處理不當死得人多。

喺大洗牌期間舉行嘅 英國國會選舉

依家工黨黨魁係史上最虧,可以肯定,但工黨一沉不起,因為階級鬥爭嘅年代早已過去,好多支持保守黨,竟然係基層選民,呢個係好多人忽略。喺階級鬥爭世代過去之後,依家出現鬥爭係英國國家定位做主軸,簡單嚟講,係 Pro-BREXIT 同 Anti-BREXIT 之間嘅鬥爭。英國要做英國人嘅英國,或英聯邦嘅英國,定係歐盟嘅英國,呢個係基層選民竟然支持保守黨,好多傳統上屬於中上階層嘅人,又走去強烈親歐嘅自由民主黨,喺意識形態上左到無朋友嘅蘇格蘭民族黨,竟然可以成為蘇格蘭最穩固政黨嘅原因。工黨呢啲以階級鬥爭為基本主軸嘅政黨,立即變咗廢柴政黨,步向玩完。

依家文翠珊喺呢次大選最麻煩地方在於,保守黨有唔少人係反 BREXIT,特別城市地區嘅 MP ,你要佢地支持 BREXIT 好有難度,變成呢場選舉十分之敵我難分,究竟邊啲係首相嘅盟友,邊啲唔係呢,究竟依家首相要保守黨最大,定支持BREXIT嘅議員佔多數,定係要剎停 BREXIT佔多數,由新國會推翻公投決定,呢個戰略目標係乜,文翠珊係含糊,呢個亦係同以往嘅大選最唔同嘅地方,以往嘅首相,只要保證自己所屬政黨攞到過半議席,並且單獨執政就可以,甚至唔一定要一個comfortable majority,多十席廿席都收貨,但依家呢場國會選舉,如果保守黨過半,但唔係首相支持嘅BREXIT立場佔過半,一場係會仆街收場,呢個就係點解我叫在英BNO/BC,以及曾經做過選民登記嘅在港BC,唔該做選民登記,或海外投票登記,因為呢場選舉真係票票都計,同埋乜事都可以發生。我未見過一場選舉,一開始個勝負標準係如此曖昧不明,係連敵友關係都曖昧不明。

發表迴響

你的電子郵件位址並不會被公開。 必要欄位標記為 *