英國大選-min

英國大選 ! 在英港人登記做選民!

喺毫無預兆下,首相 Theresa May 尋求國會同意解散國會, 英國大選 預料喺6月8日舉行,成為 BREXIT 以嚟最重要一次選舉。

英國大選 嘅背景同香港人嘅策略

英國大選 雖然無表面徵兆,但唔係無跡可尋,因為自首相啟動 BREXIT 程序以嚟,Great Repeal Bill,甚至係廢除EU Citizen在英權利嘅 Immigration Bill 2017都無辦法攞出嚟,首相話係反對黨反對脫歐方案,有可能係 Lab + LibDem + SNP + Tories (pro-EU) + NI MP 夾埋政府唔夠飛過任何嘢,所以政府唯有尋求大選,快啲打破僵局,等到 Great Repeal Bill 衰咗至嚟大選,就好可能出現 hard BREXIT,呢樣嘢係會極之膠,完全唔掂。

我睇法係,呢次大選好可能係一場大混戰,話就話保守黨民望遠遠拋離工黨(因為工黨哥賓實在太廢,呢次大選有可能令工黨滅黨),但如果係變咗二次 BREXIT 公投,呢樣係另一回事嚟,英國政府隨時呢次會大洗牌,如果過去兩次英國大選難估,我估呢次仲難估,因為你唔知邊個打邊個,最後搞出乜政府出嚟,好可能係保守黨首相嚟,但保守黨乜水做首相至得架,一個親歐派同一個疑歐派主政係完全兩回事嚟,加上呢次大選係重新 mandate 過政府,基本上,上次公投嘅mandate可以抹走,所以呢次有機會演變成英國走BREXIT數,因為新政府係可以剎停成個荒謬嘅 BREXIT 程序,令英國唔需要脫歐。

對於喺英國嘅 BNO 同 BC ,你依家要做係登記做選民,喺呢次選舉投票,特別同每一位候選人講嘢,反映香港人喺呢次大選嘅訴求,如果你有 National Insurance,請網上做,如果無,請留意以下表格:

英格蘭及威爾蘭選民登記表格 – 郵寄

蘇格蘭選民登記表格 – 郵寄

北愛爾蘭選民登記表格 – 郵寄

如果你係BC,曾經喺英國本土登記做選民,唔該做埋海外選民登記,因為呢次真係又係一場大混戰,幾時都係要做選民,確保自己嘅聲音得到充分嘅反映。

發表迴響

你的電子郵件位址並不會被公開。 必要欄位標記為 *