長毛-調查委員會-min

支持成立佔中 調查委員會 ?你長毛無嘢嘛

一單大和解,搞到香港泛民政客集體表演低能失智,真係嘆為觀止,胡志偉固然係衝出嚟柒,但長毛似乎都柒完又柒。贊成成立佔中 調查委員會 ,你無病嘛,你仲以為依家香港仍然係聯合王國嘅屬土?

調查委員會 成另類政治打壓工具

首先,以現時政治氣候下,佔中「 調查委員會 」主席唔會係泛民啲人,極可能係土共嘅人,兼且個委員會唔會有泛民代表,你認為呢個 調查委員會 可以公平公正查出觸發佔中嘅政治原因,呢個笑話係唔係大咗少少咁?如果請幾個英國國會議員同法官主持 調查委員會 ,我仲信呢個委員會有少少公信力,不過喺梁振英同林鄭月娥治下,你呢個春秋大夢係唔係發早少少?曾俊華年代有機會發生嘅事,喺梁振英同林鄭月娥治下,本來唔會有任何可能成真。

調查委員會 另一個問題係, 調查委員會 嘅報告書同供詞,可唔可以作為日後檢控佔中相關案件嘅證據先,如果可以作為檢控佔中相關案件嘅證據,豈不是變成一個大陷阱,更值得查嘅魚蛋革命,我都無贊成成立調查委員會,都係因為呢個問題實在係太過難搞,你叫土共放棄唔攞 調查委員會 取得任何材料作為檢控證據,可能性幾乎係零。所以呢個 調查委員會 成立嘅前提,一定係一次大特赦,同埋承諾不作檢控,否則係無偈傾。而以依家土共同張曉明嘅思維方式,接受 調查委員會 呢個建議都係智商有問題,恕我講得難聽都要講。

無論係大和解,抑或 調查委員會 ,一係泛民同當政者喺戰略上各取所需情況下出現,一係香港已經確實走向民主之路,調查嘅目的只不過係向子孫一個交代,令日後嘅人銘記當中嘅歷史教訓,咁樣就可以做,所以國際上重大嘅大和解,或相關嘅調查委員會,都係民主化成功嘅結果,民主化唔成功,講乜叉大和解,講乜叉 調查委員會 。胡志偉柒我都算,你梁國雄都衝埋一齊柒,你唔係好了解各國政治嘅咩,你唔係嘛,你叫成班左膠衝出嚟屌柒民主黨想攞分情何以堪,你條友又係五十步笑百步。

我只能講,香港成班搞民主嘅友仔,都唔知自己想點,個個都好似遊魂咁,大佬,睇清楚形勢喇,依家香港係無英國佬同英國國會直接保護下,一條友對住中國共產黨呀,醒少少喇。

發表迴響

你的電子郵件位址並不會被公開。 必要欄位標記為 *