大和解-馬來西亞-min

大和解 ?睇大馬敦馬哈迪同林吉祥父子點玩

胡志偉提出 大和解 ,以佔中同七警特赦換和解,被人問候娘親到七孔齊插嘅地步。點解胡志偉會被人狂插,其實你比較林吉祥(馬來西亞下議院振林山選區國會議員)、林冠英(檳城首席大臣、馬來西亞下議院峇眼區選區國會議員),父子同敦馬哈迪醫生史無前例嘅 大和解 ,敦馬哈迪醫生竟然同民主行動黨聯手要打柒納吉,就知兩者分別。

大和解 嘅戰略前提

論十冤九仇,林吉祥、林冠英父子一定憎爆馬哈迪,因為馬哈迪曾經引用ISA未經審訊拘留林吉祥父子一段時間,你話無仇就假,但點解馬哈迪同林吉祥父子可以 大和解 ,首先,馬哈迪同林吉祥父子有共同戰略目的,就係隊冧納吉拯救馬來西亞,因為隊冧唔到納吉,大馬可能步向瓦解。而林吉祥、林冠英父子同馬哈迪醫生有戰略互補,民主行動黨長期擺脫唔到華裔、印度裔為本政黨嘅色彩,入唔到馬來甘榜,而馬哈迪需要民主行動黨喺城市地區廣泛支持,去隊冧納吉。同埋,馬哈迪知道大和解係必需,有找佢當年對安華、林吉祥父子一大堆J數,大家至可以一笑泯恩仇,聯手對付現任首相納吉。同埋南洋一向有戰略人主導政治嘅傳統,朝野全部都係計數計到盡,左膠係一早生存唔到。所以,納吉可以為咗對付馬哈迪,千方百計要拉攏回教黨,甚至接納部分回教黨嘅極端諗法,同樣,馬哈迪可以唔理安華、林吉祥父子係佢嘅前仇家,尋求共同合作。用李光耀喺RTHK《傑出華人系列》回應方壯壁嘅講法,You make your calculation, I make my calcucation. 呢個係南洋玩政治嘅本質,南洋係一定戰略人玩政治,同埋一定計到盡。(林吉祥最有名係周圍轉選區單挑國陣,丹絨一、二、三、四、五役就係林吉祥嘅傑作,你聞到戴耀廷陣味未?)

同曾俊華合作,係有戰略合理性,係一個經計算嘅和解,所以我對薯片黨興起樂觀其成,有啲黃毓民派嚟嘅鬼就浮咗上水,俾我ban埋。但依家胡志偉嘅 大和解 ,我想問有乜戰略合作性?林鄭月娥可以用幾多部長位換俾你,定係831框架攞去掟落街?無著數下 大和解 ?除咗傻的嗎?我無其他補充。

發表迴響

你的電子郵件位址並不會被公開。 必要欄位標記為 *