大和解-min-2

大和解 ? 大硬膠就有你份

今日《明報》頭條睇完真係嚇撚死,胡志偉提出 大和解 ,所謂 大和解 係佔中被捕人士,同埋七警以及朱經緯都特赦。我覺得呢個建議,簡直係一盤混帳,我個人並不會贊成呢個建議。

大和解 應有提前係乜

七警干犯係 ABH 一級嘅罪行,呢個特赦係無情講,如果要特赦七警,無話唔得,至少同時特赦魚蛋革命被判有罪嘅年青人,並停止所有對魚蛋革命被控人士嘅檢控,咁樣至相稱,單係呢點,我已經有十分之充分嘅理由,反對呢啲特赦,呢啲政棍,真係果然係仆街嚟,置所有魚蛋革命嘅年青人不顧,真係仆街嚟。

大和解 應有前提係乜,南非嘅 大和解 ,唔係純粹曼德拉獲釋,以及對南非國民黨嘅暴行既往不究咁簡單,仲有跟住係非洲人國民大會自己變成多種族政黨(雖然佢本來都有一定白人參與),同埋南非走向民主。台灣李登輝對施明德、彭明敏嘅特赦,亦係有台灣走向全面民主呢個前提喺背後,依家香港會全面民主,或者步向獨立,或步向歸英咩?提乜撚 大和解 ?你胡志偉食錯咗乜嘢藥呀。睇完真係唔火氣上升就怪。

特赦七警,終止檢控朱經緯,我個人唔贊成,但係唔係唔可以做,如果中國政府終止八三一決定,同埋會作出類似北愛警隊改革一樣嘅改革警隊行動,呢啲 大和解 係有意義。對獨派未必完全滿意,但至少可以接受。依家泛民提嘅 大和解 ,被人感覺係食相難睇,係泛民啲大佬唔想承擔遮打革命嘅責任,自己想走咗佬先講,呢啲老屎忽smart ass行為,真係除咗用仆街嚟形容之外,我諗唔到其他更合適嘅形容詞,我個人對此完全失望。

其實睇最左嘅周浩鼎,一口拒絕呢個建議,就知呢個建議行唔通,葉劉淑儀和附加一個攞彩約章,我覺得都要可以同步叫差佬簽份約章,問題係共產黨根本係一個趕盡殺絕嘅政黨,對住共產黨唯一有效嘅做法,唔係任何和談,我唔信共產黨有心和談,只有徹底喺海外趕絕共產黨,甚至令共產黨喺海外嘅家人同家產都消失,至能夠認真嘅迫共產黨考慮和談讓步,但依家泛民係無呢個實力。我可以講,依家嘅年青人,唔會再信檯面上呢班政棍,好快一個新時代會來臨。

發表迴響

你的電子郵件位址並不會被公開。 必要欄位標記為 *