戴耀廷-min

政治戰略人 戴耀廷

喺華人硬膠社會,做戰略家一般都好寂寞,啲人事前當佢係傻佬,事後唔會感謝佢。而 戴耀廷 提出風雲計劃,由左膠到熱普城都好多意見。但呢次,我都係決定企喺 戴耀廷 果邊,因為喺戰略上, 戴耀廷 係正確,雖然佢嘅做法,同我一樣,都唔知點解有一陣膠味。

戴耀廷 其實好多嘢都唔膠

啲人成日話 戴耀廷 改雷動、風雲呢啲名好中二病,佢改名嘅style有陣膠味,但一般軍人策劃一個戰略行動果陣,都會有個代號方便識別,好似登陸諾曼第叫大君王行動(Operation Overlord),如果唔係原子彈KO咗日本,原本有個叫沒落行動(Operation Downfall),呢個係戰略人嘅慣用做法。好似我自己,當初提出兩太會戰(葉劉對陳方安生果陣),後期我自己係用史大林格勒去做代碼,即係史大林格勒式逐屋作戰。我喺自由時報反ECFA果個代號,純粹叫 Operation Hong Kong。行動代號要容易記得,呢一點其實係重要,當然有無膠味,又係另一個問題了。

阮穎嫻話 戴耀廷 係政治發明家,其實唔係,因為 戴耀廷 無發明過任何嘢, 戴耀廷 係就可能結束戰爭嘅方式,喺現有泛民實力可行情況下,提出一套方案。呢個係戰略人嘅基本上做法嚟,或者喺策略上有創新,但唔會發明任何實物出嚟。無論佔領中環嘅以戰迫和,雷動計劃嘅telegram快速應變部署(雷動計劃其實正式確認泛民政黨嘅死亡),民主300+ 嘅合縱連橫戰術,到風雲計劃嘅陣地戰爭,都係反映咗 戴耀廷 對現有泛民嘅問題判斷同睇法。

其實 戴耀廷 嘅風雲計劃,同民進黨,甚至共產黨嘅打法好類似,深耕細作,農村包圍城市,打破泛民只打都會戰爭嘅困局,但點解左膠同熱普城一開始就柴台,因為最唔願意打農村包圍城市,民生反攻民主戰略嘅,正正係呢班靠一炮而紅嘅政治暴發戶。 戴耀廷 打法結果係對民主黨,以及同唔介打陣地戰爭嘅真本土派(無論范國威,定係鄺葆賢醫生、陳澤滔果種打法),但公民黨都或者有利,但自決派,好可能得黃之鋒生存到。 戴耀廷 呢個做法,其實係訓練新軍同泛民洗牌,如果真係成事,成班左膠、熱普城仲有永續社混? 戴耀廷 想掃走班濫竽充數嘅人,佢嘅戰略閱讀力,比起好多泛民人都嚟得強。如果佢嘅戰略成功,泛民立法會都會打得穩陣好多,只不過,依家可能要先清除左膠同熱普城先。

發表迴響

你的電子郵件位址並不會被公開。 必要欄位標記為 *