金正恩-導彈-min

金正恩 個個禮拜測試導彈挑戰侵總統!

呢個禮拜因為北韓導彈測試結果太騎呢無開片,唔代表北韓唔會開片,北韓高級外交官員向BBC表示,北韓會個個禮拜都玩導彈測試, 金正恩 一於玩個個禮拜都挑戰方丈嘅露西亞輪盤遊戲,睇吓幾時侵總統頂唔住,派兵同 金正恩 隻抽。

金正恩 挑戰方丈玩緊命

其實用高登文,好容易解讀 金正恩 嘅行為,依家 金正恩 真係挑戰緊方丈,睇幾時侵總統頂唔順郁 金正恩 , 金正恩 就有藉口發癲,四圍亂射導彈一鑊熟,依家 金正恩 嘅行為,仲衰過黑社會喺新年捧盤桔上你門口收保護費。

如果呢招喺奧巴馬年代用,問題未必好大,因為奧巴馬都係好怕郁手果啲人,如果唔係殺咗拉登有十成把握,睇怕依家中東一早係拉登大戰巴格達迪嘅異獸戰世界。但依家係侵總統做大佬年代,敘利亞當侵總統無料到,立即送五十九枝戰斧俾你嘆,DAESH都當佢無到,結果侵總統份禮仲大,係搵成舊老母炸彈 MOAB ,名副其實炸你老母,侵總統嘅行為,用香港語嘅粗口解讀好易讀得通,隨時白宮開會都係充滿大量fxxx粗口你唔知啫。

金正恩 係咁挑機, 金正恩 以為侵總統無料到,恐怕佢呢鋪計錯晒,侵總統嘅做法不外乎兩種,一係就唔同中國打招呼,唔理三七廿一,大量戰斧導彈,或者 MOAB 炸彈炸平成個北韓,屆時 金正恩 一仆街就大韓民國國軍入去接管個爛攤子。一係明日侵總統走去隊冧人民幣匯價,香港股市再大跌幾日,中國怕走資失控,侷住進一步幫侵總統拖,一係聯絡親華軍官兵變,扶立一個中國控制到嘅傀儡上去,一係中國自己出兵北韓,自己親自搞掂 金正恩 條仆街算數,免得佢又走去挑戰方丈累街坊, 金正恩 嘅小學雞式挑機行為,已經令中國感到好麻煩,俾我係中國都諗法盡快隊冧件仆街算。

如果 金正恩 嚟真個個禮拜測試導彈挑戰侵總統,放完復活假就咪去南韓,去日本九州都唔該睇睇形勢先,復活節呢幾日無開到片,唔代表未來幾個禮拜唔會開片,但可以肯定係, 金正恩 如果試洲際導彈或核彈頭,美國就一定唔會忍,實大量導彈射爆北韓,屆時將會係乜嘢世界,我都唔知,總之 金正恩 依家挑機挑得好小學雞就係。

發表迴響

你的電子郵件位址並不會被公開。 必要欄位標記為 *