Assad-周融-min

Assad 夫人先例 : 周融好快都可以求仁得仁做純正中國人

根據ITV報導,英國有民眾要求剝奪敘利亞總統阿薩德嘅夫人 Asma Assad 英國公民身份,因為呢條友成日公開支持佢老公嘅殘暴鎮壓人民行為,當然仲包括埋佢喺英國Bupa旗下醫院做醫生嘅老豆。香港人應該密切留意呢單嘢嘅先例,因為此例一開,周融同埋林鄭月娥嘅老公林兆波,都可以求仁得仁,成為純正嘅中國人。

Assad 夫人支持仆街政權就應該無英國國籍

理論上, Asam Assad 嘅英國國籍係比較難剝奪,因為佢係 British Citizen at birth 喺 BNA 1948 同 BNA 1981都係,呢啲與生俱來嘅國籍,剝奪一般有難度。只不過,依家 Asam Assad 有三種情況,令剝奪 Asam Assad 國籍 並非唔可能。

  1. Asam Assad 屬於雙重國籍人士,剝奪其英國公民身份並不會令佢成為無國籍人士。
  2. Asam Assad屬敘利亞政壇高度活躍人士,其第一夫人身份實際上,可以享有與國家元首相若嘅待遇
  3. Asam Assad公開而積極支持敘利亞鎮壓反對派人士嘅行動,並且其所為實際上違反英國國家利益

留名食花生,等周融做純正中國人

加上 Asam Assad 本來就係歐盟嘅制裁對象,歐盟境內,除咗英國,其餘國家都唔俾佢入境,所以英國剝奪 Asam Assad 嘅國籍,應該唔會有任何歐洲法律會麻煩到英國。而如 Home Office 能夠剝奪 Asam Assad 嘅英籍,對香港人係好事,既然 Asam Assad 係 British Citizen at birth 都保唔住英籍,周融呢啲 British Citizen by registration 嘅友仔,因周融支持中共政權而剝奪佢國籍,更加易如反掌,因為 British Nationality (Hong Kong) Act 1990本來目的,係保護一批香港人免受中共政權迫害,依家周融係積極支持中共政權,同佢取得英國國籍嘅目的相違背。而林鄭月娥丈夫林兆波,情況同 Asam Assad 根本類似,就更加容易處理。就算周融同林兆波要硬拗自己係 British Citizen at birth (CUKC at birth in Hong Kong) ,咁又點, Asam Assad CUKC at birth in UK 一樣無得留低。

本文醬油嚟自:寰雨膠事錄,打倒抄抄子,主持寰雨膠事錄。

發表迴響

你的電子郵件位址並不會被公開。 必要欄位標記為 *