白狼-八田與一-min

應以叛國罪論處 白狼

八田與一像被斬首事件終於搵到元凶,係中華統一促進黨成員李承龍承認責,中華統一促進黨同愛國同心會係同一班人渣嚟,受共產黨指揮嘅幫會成員, 白狼 係中華統一促進黨主席,綽號 白狼 嘅張安樂本身係幫會成員嚟,大家知呢班友係乜嘢人。黃之鋒訪問台灣期間,就係被 白狼 指揮嘅人滋擾,所以話呢班友係共產黨走狗,都並不為過。

白狼 根本危害台灣國家安全

純粹嘅統派,可以係政見之爭,呢個可以容忍,一如英國都容忍主張南北愛統一嘅新芬黨一樣,甚至愛爾蘭共和國嘅政黨,可以向英國選舉委員會登記,以英國政黨身份參與英國任何選舉。但 白狼 依家做乜事至得,指使他人喺台灣進行刑事毀壞,恐嚇、滋擾等活動,目的係為共產黨喺台灣嘅政治目標活動,不論篡改台灣歷史,消滅台灣自身認同,定係對中共眼中嘅異見人士進行滋擾人士,呢啲友仔究竟仲係唔係效忠台灣,甚至中華民國本身,我極度懷疑,所以無論用叛國罪又好,內亂罪都好, 白狼 都應該拉去坐監,一係驅逐呢件仆街返中國,既然佢咁愛中華人民共和國嘅話,依家民進黨政府對 白狼 呢啲人,根本係太軟弱,過往英國政府又好,新加坡李光耀時代又好,對呢啲仆街只有一個做法,就係驅逐出境,因為你唔驅逐佢出境,台灣就永無寧日,日日搞法輪功,黃之鋒去台灣又滋擾佢,依家八田與一像都斬埋,仲要八田與一曾經受中華民國福建省政府禮聘處理福建嘅水利問題。咁幾時 白狼 呢班仆街,以愛中國為名,走去搞李登輝或其他獨派政客,甚至搵李承龍呢啲二打六走去以反日名義嚟殺人,呢條友只要一日喺台灣,台灣嘅治安都幾難回復正常。

其實香港嘅幫會人士,近年同共產黨行得咁埋,都要認真考慮一吓,台灣政府應唔應該一併清剿呢班友,因為呢班友喺香港嘅表現,同共產黨嘅打手無異,點解台灣要容忍一班又作奸犯科,又危害台灣國家安全嘅仆街可以自由出入台灣呢?當然,台灣執法部門裡面,都有唔少同幫會勾結嘅人,因為呢個幾乎係國民黨嘅傳統嚟,孫中山身為醫生要搞革命都要做洪門紅棍你就知乜事。台灣治安,真係有排執。

發表迴響

你的電子郵件位址並不會被公開。 必要欄位標記為 *