公廁 衛生問題變成公害

喺呢個復活假期social media traffic相當淡靜果陣,一位學生聲稱做功課用嘅page竟然爆紅,果個page叫廁所衛生關注組,因為香港 公廁 嘅衛生水平去到人神共憤級數。

公廁 管理必須改革

要用相片嚟揭露香港 公廁 嘅醜惡係一件高難度嘅事,因為喺 公廁 舉機影相好易被人告不誠實使用電腦或遊蕩。而難聞嘅氣味,同衛生惡劣嘅環境,亦十分之惡頂,做功課都咁勇,果然係好有前途嘅小編。

香港 公廁 之所以可怕,一方面因為政府或公營機構外判後缺乏監管,所以啲工人hea做或使用根本無清潔能力嘅化學劑清潔而無法可管,另一方面,用果啲人嘅公德水平亦好有問題,特別中國遊客、留學生同移民,完全唔去學習如何正確如廁,乜呢樣嘢好難學咩?

當然由於廁所本身嘅私隱要求,亦令檢控喺 公廁 胡亂便溺嘅人難好多,唔通長駐衛生督察咩,呢啲咁厭惡性嘅工作,同倒夜香同一個厭惡水平,邊個做先得㗎。所以用罰款嚟對付胡亂便溺嘅人,喺執法上難度十分之高,庶近此路不通。

所以 公廁 改革係需要,但唔係搞收費 公廁,因為收費 公廁 只會助長隨街便溺,情況更膠,可能政府先做係終止價低者得嘅 公廁 管理投標制度,而係需要引進有效嘅質量監管,同埋由全民直選嘅區議會去管理,唔係依家無問責可言嘅食環署。

當然使用 公廁 嘅公德教育係必要,尤其要用殘體漢字加中央電視台腔嘅華語加強呢方面嘅教育,當然英文嘅宣傳都需要,但主要向印度裔同巴基斯坦裔人做,因為印度都搞到一頭煙,但可以用番印度當地文化色彩果啲,因為香港土生土長嘅反而無大問題。

當然有人實提罰款,可以將公廁胡亂便溺罰款等同亂拋垃圾,但問心果句,真係得個嚇字,因為執法困難,可以防小人但防唔到君子,所以教育係需要。但如果情況失控變成咗公共衞生危機嘅話,設立 公廁 督察可能係侷住,但主要係沙士、霍亂呢啲致命傳染病廣泛流行嘅情況,喺人命關天嘅情況下,幾咁硬膠都要做,咪話
呢種情況唔會發生,畢竟中國乜嘢古靈精怪傳染病都有,2003年都無人估到沙士死咁多人喇。

發表迴響

你的電子郵件位址並不會被公開。 必要欄位標記為 *