八田與一

八田與一 像被斬頭事件:必須徹查

對台灣中南部農業貢獻極大嘅水利工程嘉南大圳嘅工程師 八田與一 像,近日竟然被人斬咗頭,依家未知係中國遊客做,定係愛中國愛到黐咗線嘅中國國民黨支持者所為,特別老一輩果啲。

台灣人到依家都欠咗 八田與一

八田與一 對台灣貢獻極大,因為無嘉南大圳工程,台灣中南部農業唔會有今日嘅興盛,而 八田與一 視台灣為家,其實如果台灣政府係感謝呢位台灣恩人,應該向當年驅逐 八田與一 喺台灣出生嘅子孫道歉,並追贈喺台灣居留權利等同中華民國公民嘅台灣公民(Taiwanese Citizen)身份,2007年陳水扁總統嘅褒揚令,同台灣市長賴清德醫生將官田區其中一段路改名做八田路,係遲咗一啲,一如今日香港,一條彭定康勳爵高速公路都無,我覺得成件事簡直豈有此理,可以見到全世界最唔尊重歷史,最鍾意篡改歷史,其實就係中國人,係連最基本嘅感恩都無。一如對中國海關建設功勞極大嘅赫德,依家紀念嘅路,竟然只留喺香港,北京無一條赫德胡同,同樣係荒謬至極。

我相信台灣政府,可以查出呢件事嘅元凶,如果呢件事係中國遊客所為,我認為,中國政府唔道歉嘅話,除香港、澳門出生持特區護照人士外,其他中國遊客如非特殊情況,都唔駛嚟台灣,點知呢班中國人會唔會又搞出呢啲斬頭事件。依家唔係你中國政府唔俾中國遊客嚟台灣,而係台灣人根本唔想你班中國遊客搞亂檔,我認為中國遊客所為機會好大,中國遊客近日喺明治神宮搞破壞,大家都可以睇到呢班所謂遊客,真係一班唔識大體嘅野蠻人,邊有國家啲國民可以做埋呢啲仆街行為,而一啲反省都無。

但如果係滯台嘅中華民國撤退到台灣國民所為,仲要係第一代果啲老兵,或國民黨相關人士,我認為真係要認真考慮設立台灣公民嘅身份,取代中華民國國民,中華民國國民唔代表可以居留或入境台灣,只有擁有台灣公民嘅人,至可以入境台灣,而台灣公民唔一定要係中華民國國民(雖然大部分會係重疊),如果對台灣效忠成疑嘅中華民國國民,唔可以得到台灣公民資格,台灣政府有權驅逐出境。部分日治年代效忠台灣嘅日本人,即係灣生日人,可以喺唔影響日本公民權前提下,同時取得台灣公民身份,並且俾佢地回歸台灣。

呢個係一個公道嘅問題,一如英國人對香港有傑出貢獻,例如鄔勵德,應該給予香港公民身份,當然英國人中嘅港奸如鍾逸傑,應該考慮一早踢佢返英國,或者踢佢去北京算。

發表迴響

你的電子郵件位址並不會被公開。 必要欄位標記為 *