Contax G-min

Contax G 與 A7 :接環嘅問題

本來講攝影唔駛講政治,只不過,講起 Contax G 喺E-Mount用嘅接環問題,實要講到中國人文化一啲劣根性,因為好多 Contax G 鏡用家由AF返到MF,仲要經常唔知自己手上嘅 MF 接環會唔會瓜老襯,同中國人果啲劣質QC,同唔負責嘅 Customer Services,有十分之密切嘅關係。

Contax G 用家嘅煩惱

作為一個細個就對住Yashica相機長大嘅人,Kyocera嘅機同鏡對我殊不陌生,我Contax三大家族都玩過,除咗Contax N嘅相未有時間沖,亦無數碼版做比照,我可以比較 Contax/Yashica 系統同 Contax G嘅分別,Contax/Yashica嘅蔡司色彩最為正宗,呢點無得傾,特別德製果堆鏡,但 Contax G嘅明銳同通透感,其實一枝 Contax G 任何鏡頭都可以叫 Sony 自己出果堆蔡鏡返去早抖,所以 Contax N 同 G 鏡擁有人,希望有 AF 接環,係可以理解,亦好有市場。而最無知識產權概念嘅中國,用逆向工程技術,自己出咗相關接環,包括 Fringer 嘅 N系接環, 用有幾間廠嘅 G 系接環。

N 系可能本身係比較電子嘅機(本來設計同EOS相似),加上市場細,無人爭,Fringer做得好好地,都應該只此一家。 G 系出過3家,有 Techart 、 Yeenon 同 Dao-Tech ,幾年前買大家滿心期待,但食電都算,畢竟用傳統摩打,最大鑊係易 hang 機,說明書同使用方法一舊飯,呢幾年仲勁,喺網上搵唔番說明書,亦搵唔番 support ,依家用到接環 hang 機,係等一排唔用之後,會突然好番,跟住用完一排又仆過街。所以最後要買 MF 接環,只不過 MF 接環唔係使用困難,就係經常用到報銷,煩都煩死。

依家 Sony A7II 都有五軸防震之下,加上中國人自己做臭個朵, Contax G 接環都係剩番 MF 玩。雖然我最希望仍然係 Sony 由 Kyocera 買晒所有知識產權,然後先推出 Contax N 同 G接環,再改進番自己手上果堆所謂蔡司鏡。講真, Sony 自己出果堆鏡,真係又貴又膠,你用埋我果份,玩 AF 不如買番 Canon 算喇。

發表迴響

你的電子郵件位址並不會被公開。 必要欄位標記為 *