反台獨-白痴

反台獨 反港獨 嘅論述可以有幾白痴

一直以嚟,我都係用一個研究白痴嘅態度,去研究果啲 反台獨 ,反港獨嘅人,而以台灣同中國有經濟來往,以及台灣都係用漢語為理由,而 反台獨 ,呢個理由高度白痴,但十分之常見,香港啲五毛,成日都用類似嘅論述,但呢啲論述,其實係好撚不堪一擊。

反台獨 反港獨 論述建基於長春圍城戰嘅屠殺經驗

先講用漢語一定係中國人,其實呢個論述,正正令台獨分子有理由去中國化,包括台語改用字母,以及停用華語作為官方語言,如果真係有台獨分子咁做,你真係唔好怨。其實日文漢字嘅使用率大減,同埋韓國激進嘅幾乎全棄漢字,都係多謝呢班五毛走狗,當然,其實中國人都無乜資格指責人唔用漢語漢字,邊撚個最想將中文拉丁化,其實係中國共產黨。殘化漢字本來係中文拉丁化嘅中途站嚟,只不過係用英文字母,定係跟俄文用希臘字母咁解。講數典忘祖,你班中共嘅徒子徒孫敢認第二,都無人敢認第一。

跟住話台灣、香港一定要依賴中國,其實呢個論述,係有賴長春圍困戰成功經驗,長春好多市民喺國共內戰期間死亡,因為林彪領導嘅共軍,為咗餓死國軍,竟然民眾離開長春都唔俾,好多細路大人白白餓死,所以林彪連埋林立果喺蒙古境內死喺客機意外,呢個係佢嘅報應,甚至呢個報應唔夠應,因為林彪呢啲仆街,死十次都還唔番長春枉死民眾嘅命。大家要知道,喺滿洲國期間,其實長春係一個建設得好好嘅城市嚟。

由於中共係認為,餓死人係無問題,所以一 反台獨 反港獨 ,動輒恐嚇斷水斷電,呢啲係林彪嘅人渣遺訓,大石英司嘅《香港獨立戰爭》嘅想定,係中國圍困香港,日本同英國派軍拯救被圍民眾而打起嚟,呢個戰略想定係有史實根據支持。當然,以台灣依家嘅現況,除咗啲白痴台商,其實台灣經濟唔駛依靠中國,五毛係唔知世界工廠之名已不在中國。類似用喺香港嘅論述,東江水咁污糟,你飲埋我果份。同埋香港有三百幾萬英國國民,幾十萬加拿大公民,扣除英國國民以外歐盟公民其實亦接近十萬,一旦玩斷水斷電,一定係觸發世界大戰。我只能講,中國有唔少人個腦,其實同金正恩都係差唔多級數,中國被稱為西泡菜,係有解嘅。

One thought on “反台獨 反港獨 嘅論述可以有幾白痴

  1. 漢字會流傳到去韓國、日本,全因為唐朝時代文化頂盛,又有佛教、佛經。
    今日西方人學東方語言,選擇日語多過漢語,只因日本有動畫、漫畫文化,又有村上春樹等等的文學作品。
    共產黨統治以來,一本似樣少少的現代文學作品都無!今日學你嘅文字都只係求經濟利益,一旦無了經濟利益,呢個 “中國文化”就會消失。
    中國最後都係會變成埃及個一類國度,外國人要學都會係學古埃及文化。

發表迴響

你的電子郵件位址並不會被公開。 必要欄位標記為 *