井岡山 都好去?土共傻的嗎?

復活節有香港人外遊出意外,不過唔係去北韓出意外,而係去中共認賊作父,建立中華蘇維埃嘅地方,江西 并岡山 出意外,當地一個旅遊景點嘅木橋係豆腐渣橋樑,啲木板跌晒落山,多人受傷。

好去唔去,竟然去 井岡山

雖然對讀中共黨史嘅人嚟講, 井岡山 其實係中共勾結外國勢力嘅鐵證,東歐啲附庸國都唔敢自稱蘇維埃埃,係準備加入蘇聯至咁叫自己。不過中聯辦一向不以為恥,所以呢啲咁無趣嘅地方,正常香港人唔會去,但土共區議員為咗向北京表忠就一定要去「朝聖」,所以係大埔親共區議員鄭俊和組團去,我呢次想知中伏嘅大埔居民裡面,有幾多係平日啲「藍絲」,對啲支持民主嘅人冷嘲熱諷。

井岡山 都好去,我所以話係傻的嗎,除咗因爲呢啲地方得被中共洗咗腦嘅人至會去,一如北韓人去普天堡之外,另一方面,江西到依家都咁窮,因為當地啲官員,好多又紅又左又膠,水準同香港土共差唔多,貪污枉法好叻,但管治當地好似屎一樣,廣州、上海呢啲地方仲會講吓小小安全,死咗高幹一樣會仆街,但江西?睬你都有味,所以當地偷工減料啲情況,可以沒有最離譜,只有更離譜,連革命聖地旅遊景點都可以搞成咁,咁更加唔好講其他地方。

所以如果你屋企有長輩想去呢啲團,可以用呢單做例子,叫你屋企人咪去,因為實在太危險。另一方面,呢啲團好大機會得到中聯辦同統戰部嘅資助去,因為旅費唔夠平,啲貪著數嘅香港人根本唔多可能會去。所以中紀委又可以跟吓,井岡山市政府、中聯辦同統戰部,呢鋪又搞出咗乜嘢大頭佛出嚟。

總之呢次係提醒香港人,去埋啲中共洗腦團,不單景點內容沉悶,而且遇正豆腐渣建設仲分分鐘搵命搏,其實去日本同韓國玩咪幾好,我個人唔介意啲討厭政治嘅人去日本韓國玩,最好佢地熱愛韓國同日本,咁會少啲機會被中共嘅狂熱民族主義洗腦,我唔興屌啲中間派,但參與中共活動果啲,我真係睇唔出點解呢啲友仔值得大家同情。只不過,呢次中聯辦同土共都唔該俾夠足夠賠償,唔好做咗膠嘢之後就側側膊兩頭望,想乘機逃避責任,呢啲報應中聯辦同土共絕對要負責。

發表迴響

你的電子郵件位址並不會被公開。 必要欄位標記為 *