華人-聯合航空-min

星期日休息 : 點解對 華人 打歧視牌做政治動員屢屢得手

聯合航空對客對得差,搞到有越南裔醫生被人拉落機,終於激起公憤,受過福景魚拉特航空公司氣嘅人,一次過大報復。只不過呢件事最吊詭係,共產黨一度想spin做係對 華人 嘅歧視,然後乘機攞政治支持,點知,世界上,華裔都有唔同待遇。就算杜醫生係華裔,但佢係越南華裔,中國政府對南洋華人有事鍾無艷,無事夏迎春嘅作風,除咗印尼華人感受最深,之後就數越南華人,因為喺香港嘅越南難民,你有華裔背景都因為中國唔認你係華人無得留喺香港(我都識一個,依家人喺歐洲,仲要識講廣東話,香港出世),所以親共華文傳媒,好似聯合報系嘅美國分支《世界日報》,班友仲問杜醫生嘅家屬係唔係同華人有關,家屬一口就say no。中共呢次抽水,抽中火水。

問題係,點解中共咁鍾意攞華人受歧視嚟spin民族仇視,因為次次都攞到士哥,只有喺新加坡、印尼、越南、泰國、香港同台灣係攞唔到士哥。而點解攞到士哥,呢個真正我今日想分析嘅問題。中共係如果無士哥攞,邊個同你玩呢啲屎尿屁嘢?

華人 無玩法律遊戲概念

我唔會話西方完全無種族歧視,一如你話 華人 無種族歧視其他民族,你自己問心喇。但白人至上主義又唔係真係咁有市場,喺全球化世代,其實接觸得多其他民族嘅人,會知道各個民族,各族都有自己膠力澎湃嘅地方。但相對嚟講,由於西方多年搞反歧視,其實你遇正啲ignorant guy,你按法律去做,一定可以KO到對方,好似呢次聯合航空果個CEO咪踢中鐵板,一家七口都係醫生,加上佢地都知美國律師同嗜血鯊魚無分別,就真係搵美國最頂級律師玩謝你聯合航空。大家知道,無錯,你搞歧視又點,呢度唔係以前嘅印尼,你知遊戲規則點玩,你一定玩得贏個game。

通常被煽動嘅 華人 ,都係自己唔慣用法律手法解決問題,自己一開始就唔知歧視係自招其辱行為嚟,可以用法律解決,就以為全世界都係同自己身處嘅地方一樣無法律,加上唔知中共點樣出賣 華人 ,結果咪中晒啲宣傳。好似大馬 華人 特別容易中呢啲宣傳,因為大馬一向無法律,而大馬中文傳媒同馬來文傳媒都係屎嚟,除非你好熟英文,否則唔會知馬來西亞係特別仆街。但熟英文果啲華人,講真,都走鬼晒去澳洲或者新加坡,仲留喺馬來西亞同你納吉條仆街托咩。喺香港中伏果啲,除咗大中華膠,都係一啲唔慣用法律解決問題嘅人,例如左膠,左膠呢次成日spin去歧視問題,因為左膠唔信法律,甚至自己都濫用法律。好似用全民投票嚟DQ議員呢樣嘢,係中大學生會班左膠發明,你就明呢班友嘅水平去到邊。

簡單嚟講,用西方歧視華人煽風點火,中共屢屢得手,因為好多 華人 喺法治觀念上好弱,以為全世界都係同中國一樣弱肉強食,甚至按血統嚟歧視人﹐一如中共對西藏人、維吾爾族人嘅做法,中共睇中呢班友嘅世界觀狹隘,因此要加鹽加醋相對容易。只不過,喺泰國、新加坡呢啲華人去華化程度甚高嘅社會,或者香港、印尼、台灣、越南呢啲好多人上過共產黨當嘅社會,無咁讀政治嘅人,都或者仲上當,但熟悉中共政治嘅人,幾乎都唔會上當。大家留意吓,喺傳媒果度,聲援杜醫生果啲「華人組織」,好多同中國大使館或者中國國民黨有密切關係,其實FBI應該調查一下呢啲 華人 嘅背景就差唔多,隨時呢啲所謂 華人 代表,根本係中共嘅情報人員嚟,目的係挑撥美國嘅種族關係,驅逐佢地出境就差唔多。

其實以我了解,美國人對 華人 唔係真係咁歧視,如果你係美國土生土長果啲,根本係一視同仁,但好多 華人 喺海外涉及幫會活動,或者由中國移民過去果啲,根本唔效忠美國,做埋啲出賣美國嘅行為,或者生活習慣上唔尊重美國人,呢個至係點解 華人 仍然受到部分人另類看待嘅原因。如果 華人 真係想提升喺美國嘅形象同地位,同中國大使館劃清界線,主動協助FBI清剿美國華人黑幫勢力,以及尊重美國人生活習慣,呢個係更為重要。好似《世界日報》、《僑報》一類垃圾報紙,唔睇好過喇,其實了解美國應該睇番美國自己嘅英文報紙,仲睇乜嘢中文報紙。一係真係用美國角度編份中文網媒,都好過《世界日報》、《僑報》呢啲垃圾。

發表迴響

你的電子郵件位址並不會被公開。 必要欄位標記為 *