Sony-min

Sony 做咗full-frame機老二:好正常

雖然呢幾年, Sony 做好多嘢都係膠嘅,但喺相機市場度,以 E-Mount 做主力,力谷 A7 Series,成為咗 Sony hea咗咁多年以嚟,最正確嘅決定,full-frame無反攻城掠地之下,佔有率超過 Nikon,依家等挑戰長期以嚟嘅一哥Canon。其實我自己用咗 Sony A7 咁耐,對呢個結果無乜意外,對好多有牌子崇拜嘅攝迷,呢個結果唔正常,但對大部分用家嚟講, Sony 嘅決定最正常。

Sony 兼容性高通殺

對大部分攝影玩家,可能會care用唔用到小白,對焦要有幾快,呢個係對一撮現代相機發燒友嚟講,係嘅。但對於老人家,平日影相當畫畫嘅人,甚至係記者,佢地嘅觀點,完全係另一樣嘢。

例如對老人家,佢地可能最關注係,佢地可唔可以用番一向跟開佢地嘅鏡頭,用唔用得番傳統手動攝影嘅玩法,點解我有咁嘅觀點,因為幾年前我去日本影櫻花,我發現好多係老人家嚟,對慣咗用手動對焦嘅老人家,Liveview令佢地唔駛對住個觀景器咁辛苦,而色水有無可能有番菲林時代效果,或接近菲林時代,而CMOS偏淡嘅Canon好明顯唔係答案,但 Sony 係答案, Sony 係可以忠實反映番蔡司系嘅色彩觀(可能因為長期同蔡司合作關係,雖然 Sony 自己出嘅蔡司鏡被人鬧係假蔡),當然有影開菲林,會知道 Sony 或富士唔可能百分百重現菲林感覺,但 Sony 可以做到接近嘅效果。

但更大優勢係,由於無反幾乎可以搭配任何鏡頭,甚至個Adapter提供埋AF都仲得(我啲Contax G鏡因此入咗數碼年代,當然唔好用嚟拍片,因為對焦果陣嘈到拆天),我可以只用 Sony 機身,但一枝E-Mount鏡頭都未用過, E-Mount 鏡垃圾,無問題,呢個世界大把鏡用,連 Contax N 同 Rollei QBM 啲死mount都可以復活埋,結果喺 Body上, Sony A7 系變咗機身嘅Windows,一下子將大堆老人家,同埋傳統拍友,甚至菲林友玩家全部攞番返嚟, Sony 係打藍海戰術可以插一腳,反而 A Mount 對 Sony 戰略意義唔係咁大。

都係果句,除非你打算學 Apple 專攻 niche 市場,否則最好有最大兼容度,簡單講係,山大斬埋有柴。

發表迴響

你的電子郵件位址並不會被公開。 必要欄位標記為 *