胡椒噴霧-min

差佬亂噴 胡椒噴霧 恐怕準備坐監

警察投訴科表示,喺採訪反走私客示威期間中 胡椒噴霧 嘅亞視記者江川作出投訴成立,證實對江川噴 胡椒噴霧 係濫權,會進行紀律聆訊。如果我係江川,我會打蛇隨棍上,要求警察投訴科根據《火器及彈藥條例》第22條作出檢控。

亂噴 胡椒噴霧 等於亂開槍

根據《火器及彈藥條例》第22條

任何人如無合法權限或合理辯解而發射或以其他方式處理任何槍械或彈藥,而其方式是相當可能傷害或危害任何人或財產的安全的,或是在罔顧他人安全的情況下發射或處理該等槍械或槍彈的,即屬犯罪。

喺香港, 胡椒噴霧 係當槍械處理,咁樣嘅話,即係已經滿足咗,無合理辯解發射槍械,而其方式相當可能傷害任何人,根據七警案,以及朱經緯確立嘅原則,我睇唔到警察投訴科仲有乜理由,唔將呢單案交俾律政司進行檢控,依家表面跡象嚟睇,已經滿足晒所有可以檢控嘅元素,如果律政司唔作出檢控,係完全無根據可言。因為警察投訴科係投訴中已經確立,呢單嘢屬於濫權,即係無合理辯解發射槍械,亦無合法權限可言。

其實唔只呢單,好多單 胡椒噴霧 案件,都應該用《火器及彈藥條例》第22條作出檢控,因為好多單同江川呢單案一樣,根本係啲警察亂噴一通,而警察胸前嘅cam,更隨時成為檢控呢啲亂噴廿四嘅警察嘅有力證據。除非政府將 胡椒噴霧 剔除出槍械嘅定義外,容許市民藏有 胡椒噴霧 作自衛用途,咁樣喺法律,亂噴 胡椒噴霧 最多係ABH,而唔會係無合法授權亂開槍,ABH一般判兩碌,執法人員亂咁使用槍械,其實要三至四碌都幾難免。而魚蛋革命裡面,打響革命第一槍,亂咁向天開槍果名警察,更加應該被檢控,如果依家啲法官用三至五碌嚟判暴動罪,我睇唔到點解果位向天開槍嘅差人,唔駛坐夠接近最高刑期嘅六碌,喺呢個問題上,唔該政府公平番少少。

我想提醒各位,《火器及彈藥條例》嘅檢控權力,唔係律政司司長專有,如果真係有市民走去私人檢控,我估件事將會好膠,隨時好似朱經緯案咁,律政司司長被迫提出檢控,以免市民親自檢控下罪名更辣,情況更膠。我留名食花生,政府點處理。

發表迴響

你的電子郵件位址並不會被公開。 必要欄位標記為 *