HKTV-min

共產黨明顯係 HKTV 未能發牌嘅主謀

何沛謙 離任通訊局主席一職,佢離職之前其實爆咗大鑊,佢講得好清楚,佢支持 HKTV 發牌,但連行政會議就連通訊局都說服唔到,由於何沛謙同翟紹唐一樣,都係相對講道理嘅大狀,所以梁振英搵咗大梁粉王桂壎入去做通訊局主席,確保佢啲又狗又賤政策,喺林鄭月娥年代可以延續落去。

HKTV 唔能夠發牌有否涉及公職人員行為失當

同TSA一樣,梁振英做決定果陣,如果會損害共產黨利益,一定幾無道理都要硬去。我相信 HKTV 唔發牌本身,都係涉及中共嘅重大利益,呢個同TVB嘅股東組成有關。

點解梁振英可以俾本來由中共直接控制嘅亞視死亡,因為2015年有「中國梅鐸」之稱黎瑞剛入股,黎瑞剛入股TVB唔係一般入股咁簡單,喺黎瑞剛入股前,TVB賣晒TVBS所有業務俾番王雪紅,因為台灣法律唔准有共產黨資本控制台灣嘅主要電視台。換言之,喺2013甚至2014年,中國政府已經想買TVB落嚟,咁TVB嘅控制市場地位一定要維持,如果俾王維基 HKTV 有牌,王維基唔係黨嘅人,甚至準確啲講,佢唔係江澤民啲人,點可以俾呢條友玩落去,所以政府故意發牌俾九倉可能已經無力再戰嘅奇妙電視,以及一開始根本唔想攞牌,但點知最後要攞牌兼攞頻譜嘅PCCW,亦即係大家睇到嘅ViuTV。

由於 HKTV 未能發牌,係直接涉及共產黨嘅利益,要保住共產黨利益嘅嘢,只能做,不能講,所以梁振英話知你全香港上街示威,都唔俾 HKTV 牌,反正中共可以派啲左膠上大台騎劫,然後任由件事慢慢die down。果然劇本一如共產黨所寫,而依家TVB赤化到爆,但海外華人又無得揀,除非改睇華語節目,中國共產黨消滅香港文化嘅陰謀亦可以達成,呢樣嘢我早喺2013年10月17日香港《蘋果日報》都講過

依家要分析香港政治,一定要計埋共產黨果啲錢銀利益,依家嘅共產黨就係一個刮錢黨,刮骨黨,同中國國民黨過往喺台灣做嘅一模一樣。當你知道利之所在,就明點解啲政策可以咁野蠻,中國人為咗錢,可以乜道理都唔講,呢個係同中國做生意嘅人應有嘅常識。

發表迴響

你的電子郵件位址並不會被公開。 必要欄位標記為 *