BCA-投共修女

為咗保住 BCA 投共修女不惜搞政治鬥爭

BCA (即係TSA)果然係中聯辦重要收入來源,因為一啲中聯辦用嚟整人鬥人嘅keyword,竟然出現喺 BCA 呢個絕對唔政治化,基本上係屬於跨黨派嘅議題上。嘉諾撤聖家學校嘅校長,竟然話家長帶學生嚟立法會 BCA panel meeting 係荼毒學生,又話依家對 BCA 嘅辯論好嘈。

拗 BCA 好嘈?國會本來就要嘈

「好嘈」係中聯辦經常用嘅keyword,同林鄭月娥成日用嘅「政治化」係同一類嘢,好嘈呢個字,主要係針對師奶,因為好多師奶本身對政治認知唔多,成日會以為拗就係唔和諧,係嘈,特別針對教育唔多,成長喺中國果啲師奶。呢啲keyword點嚟,同點用,對研究中共黨史嘅人,絕對係走唔出我哋嘅法眼。

其實街市都好嘈,講價都好嘈,咁你點解要喺街市講價,咁怕嘈,街市應該好靜先係。越係涉及公眾利益,越嘈越多人講價乜唔係越好越抵?全世界最能代表民意其中一個國會,應該係英國國會,英國國會係以混亂同嘈吵見稱,我都成日講,除咗中大學生會代表會,可能另一個秩序混亂同嘈吵嘅議會係英國國會House of Commons,但House of Commons定立嘅法例,好多時都係相對完善得多。中國全國人大代表大會夠和諧喇,只不過,你見人大立過乜嘢好法,有乜嘢法案係能夠實際付諸實行?講教壞細路,點夠呢個投共修女咁教壞細路,身為天主教神職人員,竟然同中共合作,為咗中共高官啲財政收入,不惜真係荼毒下一代,堅持要支持根本下屆政府都唔會繼續嘅 BCA 。

我個人睇法係,如果要 BCA 呢場爭拗收科,由於中共已經當成政治鬥爭嘅層次,所以罷考固然係必須(甚至罷考日不惜通宵包圍政府總部,要求吳克儉交代究竟發生緊乜事,佢條友係唔係真心理變態),但亦可能需要同時向廉署以及中紀委報案,廉署主要係查教育局係咪有人收咗水,必須要重推 BCA 不可,係咪涉及公職人員行為失當嘅普通法罪行,而向中紀委投訴,主要係要調張曉明有無違反黨紀收水,主要係要用共黨內鬥嘅壓力去做嘢。

我只能講,香港教育已經俾一班人渣把持。

發表迴響

你的電子郵件位址並不會被公開。 必要欄位標記為 *