菲林-min

菲林 有何不可取代之處

雖然我好早已經用數碼相機,只不過, 菲林 攝影,我仍然有去玩,甚至自己仍然有一部Contax G1相機,好似呢張相,就係 Contax G1 相機用45mm鏡頭影出嚟。雖然數碼相機有好多好功能,但問心果句, 菲林 攝影喺可見嘅將來,都仍然有佢嘅生存價值。甚至有啲人好似我咁,隨時搞搞吓去向影正片(俗稱幻燈片,圖中果張係負片scan出嚟)。

菲林 有乜取代唔到

現代數碼相機,其實係一堆CMOS, CCD感光元件,雖然CMOS已經好先進,但由於CMOS感光元件之間嘅距離唔可能太密,否則有noise問題,所以講像素,其實 菲林 高好多。另一方面,CMOS有個明顯不過嘅弱點,就係色彩偏淡而且唔夠自然,相反, 菲林 果種色彩濃烈,而且具透明感,係暫時嚟講,無論數碼相機點做都做唔到。如果你係用啲舊鏡,由於舊鏡啲coating其實係配合 菲林 嚟用,咁你更順理成章,應該用 菲林 嚟影相,而唔係齋玩數碼相機。所以,我自己都會喺日本入番啲 菲林 ,就係咁解。

當然,喺香港影 菲林 最大挑戰,係搵適合嘅沖灑鋪頭,因為沖灑鋪頭師傅嘅水平,甚至用乜牌子嘅機,係好影響你scan入電腦後張相嘅質素,同埋個色調。有啲曬相鋪頭由於老師傅坐鎮,服務都好好,甚至可以提供攞片果日至抄入USB手指嘅服務,但有啲曬相鋪,佢地嘅水準係唔值果個錢。如果唔係日本太貴,其實可以考慮留番喺日本至沖,當然,喺日本沖搵邊間鋪頭好,都係要摸索。某程度上,玩 菲林 係多一個因素要考慮,就係沖曬師傅嘅水平,就算你係Photoshop專家都好,點處理 菲林 本身,呢個仍然好係一個決定性嘅問題。當然,如果你自己識黑房技術,可以自己喺屋企沖,咁係另一種樂趣,但可見嘅將來,好多人都好難喺屋企玩黑房呢樣嘢。

當然,你自己沖完之再用film scanner scan入電腦,都係另一個方向,只不過,坊間啲film scanner得唔得,就真係十分之見人見智,至少唔係果啲幾舊水一部果啲,呢個問題,我依家無一個好答案俾大家,遲啲再解答好。

發表迴響

你的電子郵件位址並不會被公開。 必要欄位標記為 *